ودائع البنوك الغير إسلاميه مغرية ولكنها ربا وأنا الصراحه أخاف أحط فلوسي عندهم وماتوفق في حياتي
لان الله سبحانه و تعالى يسلط في الدنيا والآخره
حصلت بنك أبوظبي الإسلامي اللي عنده ميزه وحيده وهيه وديعه لمدة شهر ومعروف باقي البنوك
الاسلاميه من دبي إلى مصرف الامارات مب أقل عن 3 شهور وطبعا معروف كل ماكانت المده اطول
كل ماكانت الارباح اكثر وانا ابا احطهم بس لمدة شهر عشان لما أحتاجهم في هذي الفتره أقدر
أسحبهم بعد الاستحقاق ( الحصول على الارباح)
حساب الاستثمار المتكرر أسم الحساب في اللي جرب يحط عندهم لمدة شهر وديعه يقولي كم الارباح
لاني ماقدر اتصللهم واقوللهم كم الارباح لانهم كاتبين في الموقع ويحتسب الأرباح على أساس الأداء
الشهري للمصرف وأعتقد مايجوز يحددون الارباح مثل باقي البنوك الربويه؟
صح يمكن يكون الربح بسيط بس اهم شيء يكون حلال مب حرام وكل مازاد المبلغ اتزيد الارباح
أبا راي اللي جربوا هذا البنك كم الارباح اذا كان المبلغ 10 تالاف درهم لمدة شهر؟
معلومات عن حساب الاستثمار المتكرر رابط الموقع
أنا اتصلت وخدمتهم كانت سريعه ورائعه، آخر شهر كانت نسبة الأرباح %4.152 وعلى مبلغ 10,000 درهم بيطلعلك مبلغ 34.6 درهم. (الحسبه أو نسبة الربح = (المبلغ * النسبه)/المده ) المده بهاي الحاله تساوي 12 لأنك تبا اطلع ارباح شهر.
المعلومات الزياده للفائده. وحياكم الله.
شكرااااااا على المرور والردود
بنك بوظبي الوطني يعطي 34 درهم وتتغير الفايده بس ربااا حراااام
انا ابا احط كل شهر مبلغ على 10 تالاف درهم بشكل تصاعدي بس محتار باي بنك أبدا ولمدة شهر عشان
ماتريه وايد اذا بغيت اسحب منهم شيء
والله اخوي بتنصدم يوم بتعرف ارباحهم.حرام تحط فلوسك عندهم شهري.انا جربت وبامانة ندمت.
الاحسن انك تحط فلوسك ببنك دبي الاسلامي.وخاصة اذا كان لمدة سنة.
على العشرة آلاف الي تقول عنهم .ما اعتقد حتى تحصل 20 درهم شهريا.
هذا الي حصل معاي قبل سنتين تقريبا.اذا الوضع تغير اليوم.ما ادري؟؟؟؟
Hi there .. I wanted to add that even if you have a saving account they give you profit in ADIB But i think the amount should’nt be less than 3000 Dhs… they have thier own way to calcoulate it
هيه والله وأنا بعد أبا أعرف، يعني نبا نعرف أرباح آخر 3 شهور مثلاً على مبلغ 10 أو 100 ألف. وشكراً.