كم اشعر بالاختناق ؟

9 thoughts on “كم اشعر بالاختناق ؟”

1. انزين يا اختي ليش تختنقين ،
   خذي سيكلج ودوريبه اي مكان اتحسين بعدم الاختناق فيه وشلي وياج سلندر مال الغوص ( للاكسجين )

   الله يهديج انتي اتشوفينها عدله ببنطلون والا لبس رياضي مرصص وحجاب

   اي حشمه وستر هذا !

   لا تطالعين برع ، اصلن اجسامهم مب بس من الرياضه ، طبيعة اكلهم غير عنا ، نحنا اكلنا فيه من الدهون ماشاء الله ، وغيره وغيره

   بس كل واحد وكيف يقاوم ها النوعيه من الاكل ، وليش اتغارين من لبنانيات وغيرهن ليش في الامارات ماشيء بنات رشيقات القوام والا لازم الوحده تترصص عشان توضحلج الصوره

   خفي اكلج ، واذا حبيتي تلعبين رياضه في كل اماره فيها جم ، وفيها جميع انواع الرياضات ،

   والله يوفقج اختي

2. ههههههههههههه

   تختنقين مره وحده !!

   يا بنت الناس شو هالكلام !!

   يعني ما يحلالج السيكل إلا نص الشارع ولا يكون عندج ثقه فنفسج إلا لو حد شافج تسوقين سيكل ؟

   مش منطق والله شوفوني اسوق سيكل عشان يكون عنديه ثقه بالنفس وتتنفسين على قولتج !؟

   انزين خلي السيكل..

   اختيه انتي تعترضين على عاداتنا وتقاليدنا وتعايبين على موزه ولوزه…

   فديتج نسيتي كلام ابونا زايد الله يرحمه ” الي ماله ماضي ماله حاضر” ؟؟ !!

   ولا اثرت عليج العيشه برا؟؟

   كلنا نسافر وكلنا نشوف عادات وتقاليد الغرب..

   وازيدج دارسين ويا انجليز ومن كل الجنسيات لي تخطر في بالج وكان لنا اصدقاء بعد منهم !!

   لكن ماشوفها أثرت فينا لهدرجه؟!!

   وبعدين تقولين انج تغارين من بنات لبنان وماعرف شووه..

   اختيه الواحد يوم بيغار من شي..

   يغار من انسان افضل منه فدينه و تعامله ويا الناس ومحبة الناس له..

   مب اسير اغار من وحده ماعرف شو من العلل عسبت جسمها حلو !!

   صحيح هذا دافع لج بس مش معناته بتاكلني الغيره لازم اسوي نفس ما هيه اتسوي جدام الخلق عشان اصير حلوه ؟

   عندج نادي بوظبي للسيدات وشدي حيلج !!

   
   

   
   الكاتب : افروديت

   
   

   !

   الاسلام ما قال جيه ,,

   .

   عن المقدام بن معد يكرب رضي الله عنه قال :
   سمعت رسول الله صلى الله عليه وسلم يقول : ( ما ملأ آدمي وعاءً شراً من بطنه ، بحسب ابن آدم لقيمات يقمن صلبه ، فإن كان لا محالة ، فثلث لطعامه وثلث لشرابه ، وثلث لنفسه ” .

   للعلم الأول ماكان شي خدمات نفس الحينه ما تيبين قلاص ماي او من تبين شي زقرتي ع الخدامه ..

   يوم بتاكلين وبتشلين وبتوطين بروحج بدون لا تزقرين الخدامه …ذيج الساعه بتكونين ممشووقه عقولتج..

   لا تزعلين حبيبتي تراج رابيه فمجتمع اسلامي لا يطلب منج إلا انج تكونين محتشمه ومش متطبعه بطبايع الغرب ^_^

   قوّاج الله !
   

3. يوم اشوف اللبنانيات انقهر بصراحه وتنبط جبدي

   ما شاء الله عليهن ,,

   قوام ممشوق و رشاقة و اناقه و صحه

   ونحن متغربلين ما بين الروماتيزم و الديسك و النقرس !

   الوحده منا مستويه جنها يونية سبوس !

   الاسلام ما قال جيه ,,

   ليش نقص على عمارنا !

   لا عادات غذائية مثل الناس

   ولا حركة مثل الناس

   كل وحده مجابله التلفزيون 24 ساعة والفواله جدامها !

   وهات اكل لين انصاف الليالي !

   والرييايل عاد ما يحتاي ,,

   كل واحد ما يروم يشل عمره , 3 كيلومترات ما يقدر يمشيها على ريوله !

   والكرشه يدزها جدامه جنه في الشهر التاسع !

   حتى المسيد يسير له بالسيارة , هذا اذا سار اصلا ً !

   ويشجعون البنات على الكسل و المتن وعقب يخلونهم طايحات في جبود اهاليهن

   و حزة العرس يشرقون ويغربون وكل سنة العوانس يزيدون !

   الله يرحمنا برحمته !

   .

4. انا ماعرف اسوق سيكل

   يوم كنت صغيره ماسقت الا سيكل بو ثلاث تواير

   وبعد كنت اطيح

   

Comments are closed.