كم خسارتك في اسواق المال

45 thoughts on “كم خسارتك في اسواق المال”

1. أنا لين الحين ما خسرت ولا درهم

   صحيح إني مشتري الأسهم بسعر أكثر بوايد من قيمتها الحين لكن ما تعتبر خساره لأني ما بعت بخساره لين الحين

   وما ببيع ليين ما ترجع فلوسي كلها أو تعلن الشركات الي شتريت اسهمها إفلاسها , وراهم و راهم والزمن طويل , يا أنا يا هم

   مثل ما قال بعض الأخوه بأن الخساره هي خسارة الروح وليس المال

2. انا طالع من السوق عام 2006 علية دين 165 الف

   والحمد للة ماهي للبنوك ولا ماقدرت ارد عليك

   وتم تسديد جزي منهاء وللة الحمد والله يعيننا علي الباقي

   دخلت قبل 3 شهور بمبلغ 30 الف باقي منها 9 الف

   العوض علي الله

   الفلوس تروح وتجي

   والناس تكسب وتخسر

   والحمد لله علي الجميع

   ؟؟؟؟؟؟؟؟؟؟؟؟؟؟

3. الحمد الله اني ما خسرت شي

   المال يتعوض بس الخساره خسارة الروح يا اخوان

   والحمد الله محد منا خسر عمره وها اهم شي

   والله بيعوض علينا وعليكم بالي اخير من البيزات الي هيه وصخ الدنيا

   تصدقون في المصايب تحس بقيمة عند الناس يا تحصلهم واقفين وياك ويمدون يد العون لك

   والحمد الله نحنا هنيه كلنا على قلب واحد وكل واحد منا يحاول يواسي الاطراف الثانية وبهاي الطريقة نقدر نهون على بعض

4. اخوكم مستثمر تائب

   بعد استثمار يقارب خمس سنوات، (بدون أي مضاربات)، وصلت خسارتي 55% من رأس المال.

   الحمد لله على كل حال ونعوذ بالله من حال أهل النار

5. كان عندي ارنب وفخذ ورجلين .الارنب هرب باعلى
   سرعه . والرجلين مجمدين في الفريزر .والفخذ كل
   يوم نقطع منه شوي ونطعم الكلاب المسعوره . لكن
   الحمدلله على كل حال . الارانب كلها صيد بري من
   2005 .مافي منهم شي تربيه بيت .

Comments are closed.