اتوقع وايدين لاحظوا هالشي بس ساكتين .. بس انا لاعت جبدي كل مرة نفس المرة اللي طافت .. .
المهم السالفة ومافيها : كل مرة اسير اطلب طلبية من السيارة من عند كنتاكي توصلني ناقصة … قلت ما عليها يمكن عشان طلبية كبيرة والله يعينهم السيايير وايد والا ما ينقصون شيبس ولا بيبسي يالله مب مشكلة ..
اول مرة وجبة زنجر سوبريم كاملة ناقصة .. ثاني مرة 2 فرنش فرايز مب موجودات … وكل مرة شي .. وانا اقول في خاطري اكيد لاني اطلب طلبية كبيرة مساكين نسوا … والمشكلة ما تروم تشيك لانه وايد اكياس والناس واقفين وراك وفشلة ..
اخر مرة سرت وطلبت … يابلي الطلبية : اتفضلي حضرتك .
قلتله : اخوي انا كل مرة اخذ طلبية من عندكم لازم تكون ناقصة شي .. مستحيل اخذها كاملة بس للعلم
كنتاكي : اااااااااااه والله طيب حشيك على الطلبية دي حضرتك ..
ورد خذ الكيس من عندي … والله العظيم انه ما شاف داخل الكيس غير ثانية بس وطالعني وضحك .. وربع ياب كيسين شيبس وحطهن داخل .. انا هنيه انصدمت يعني كنت اتحراها مب مقصودة … بس بالله عليكم طلبية اقل شي فيها 15 كيس داخل كيف بتعرف عددهن وانته بطلت الكيس لحظة وسكرته … المهم انا هنيه تاكدت انه كان منقص متعمد واول ما عقيت عليه الرمسة سار وياب الباقي …
المهم اتحذروا ولا تسكتون عن حقكم …
مثل ما قال اخوي قناص دبي هالمطاعم كلها مرض والكافتريات بعد لانه اغلب اكلهم مقلي ويستعملن الزيت اكثر من مرة
احسن شي المشاوي
كلها وجبــات سريعه ….كوليسترول ..بطاط يييب الكرش …
والهمبرغر مالهم ..محد يدري حلال او حرام ..او من وين يايبينه ….
والاكثــار من الوجبات السريعه يسبب التخمه والسمنه والضغط وغيره …
لذا ننصحكم بعدم الاكثــار من الطلب من هذه المطــاعم …
كلو وجبـات كامله ….بدون بيبسي ولا كوليسترول …
يمدحونه الفول والطعميه والفلافل ……
ودري كنتاكي وخذيلج بيزا بيزاااااااااااا ههه بس ماعندهم طلبيات من السياره اهى اهى
عشان مايتمادى
مايسون حساب لحد ومايستاهلون حد يسولهم
حساب
أنا مستغرب منج دافعه فلوس حق الأكل وماطالبين باللي ناقص
على الأقل جان نازعتيه بالتلفون يوم رديتي البيت وأكيد بيطرش اللي ناقص اذا هم حريصين على
إرضاء العملاء
اختي هالتصرف ممكن ايكون تصرف اشخاص مب الكل
ممكن تتصلين في خدمه الجوده الي عندهم وتشتكين على الفرع الي اتروحين له