السلام عليكم و الرحمة
خلال 3 أيام ماضية اشتريت هاتف الثريا Thuraya SG-2520 فيه كل مواصفات الموبايلات العادية من خرايط و تحديد مواقع و مسجات و نت صارووخ و اهم شي ‘‘ الإرسال ما يتقطع حتى لو أروح قمة جبل حفيت و الأخضر الارسال سيم سيم و ما خليت وادي ما رحت فيه لفيت بالدولة لف و الارسال نفسه
و على طريق دبي العابر ما انقطع الارسال ,, اخيراً اصبح الحلم حقيقة.
موبايلي بتم مفتوح و مو مغلق .. و برتاح من أسئلة المدام ليش موبايلك مغلق شو كنت تسوي !
همسة إلى اتصالات : بااايبااااااااااي ادفع 700 درهم شهرياً على إيجار تلفون مع خط و نت مثل الفل بدل الخدمة الكجرة مالتكم 
سلم عليهم محتاجين الدعم ترى اي حد في الكونتاكت سنتر محتاج دعم من جميع النواحي
والله ذكرتوني بالشباب اللي يداومون هناك. من زمان ما سلمنا عليهم.
اتصال اقمار صناعية …. احم احم
برمس في كلام شويه كبير عشان اطلعك غلط.
لو كان تابع لإتصالات الجماعة … ليش سارت شرطة **** و طالبت الثريا بشرفة md5 و باقي انواع تشفير هواتف الثريا عشان تتبع الاتصالات للهواتف المتحركة و التـجس… ؟؟؟؟
و للحين الثريا ترفض طلباتهم بالشفرات و فك التشفير عشان جي بعض التجار و الناس vip في الدولة كله يتعاملون بهواتف الثريا أو الهواتف المشفرة و المنتشرة في كل انحاء العالم ..
كأبسك مثال في شركات تقدر تشفر لك اي هاتف نوكيا بس تدفع لهم مبلغ ما يعادل 5 آلاف درهم على أقل تقدير …
صح كلام كبيرو
وبعدين كم رقم .. مادري سبعطعش رقم حشى
وين الواحد بيحفظه