.
.
.
.
السلام عليكم و رحمة الله و بركاته
اشحالكم يا اخوان
انا كنت ناوي اسير الصيف ميونيخ . بس للاسف انا كنت فيها من فترة بسيطة و شفت مناظر ما تشجع الواحد يسير هو و اهله . و خاصة من العنصر النسائي الخليجي
فققرت بمشيئة الله اسير عمرة 3 ايام و عقبها اطير بالطيران الداخلي السعودي الى ابها
تبون الصدق انا ما قط ييتها لا انا ولا اهلي . بس كنت اشيك النت و شفت التالي
Fri
34°C | 22°C
34°C | 22°C
Sat
26°C | 19°C
26°C | 19°C
Sun
27°C | 18°C
27°C | 18°C
يعني جوي عالمي . و سويت بحث بالقوقل بس للاسف كل المعلومات الي لقيتها سطحية
اذا حد منكم يا اخوان سار ممكن يفيدنا بالتالي .
سكن خمس نجوم و يفضل شالية في مكان عالي .
ايجار سيارة و يفضل مع الماجلان
افضل المناطق التي ينصح بزيارتها
وتقبلوا فائق الاحترام
عليك بطيران ناس
واحد حصلو بقايا جثته على عجلات الطائرة بعد هبوطها في الرياض 
تروح وترد بالسلامه
ورحله موفقه
ياريت يوم بتسير تصورلنا اذا عيبتنا بنسير ان شالله
خــير اختيــار أبهـــا
طبعـا مثل ما ذكروا الاخوان عليك بالحبلة والسودة أحسن الاماكن في ابها ولا تنسى تروح الترفلك،،،
في اماكن خاصة للعوايل وتقدر تستاجر خيمة جاهزة بالكهرباء بسعر رمزي 100 ريال فاليوم وكل الخدمات موجود.
لا تنسى عليك بالمطاعم السعودية عندهم الكثير من الطبخات المختلفة،،
الجو ولا أروع أمطــار وبرد خاصة الظهر بعد الساعة 2 افضل الاوقات لزيارة ابها آلاخر يوليو وبداية اغسطس،،
رحلــــة سعيدة ان شاء الله
يبت لك بعض آراء الأعضاء والعضوات عن أبها
الجو في أبها رائع في فصل الصيف ( 7 و 8) يميل للبرودة نهارا ولكن في المساء يكون بارد وتحتاج الى لبس شتوي وخصوصا الاطفال ويفضل ان يكون معك مضلة للاستخدام في حالة كان هناك مطر شديد او برد.
موسم الامطار بدأ ويستمر باذن الله خلال الصيف وتكثر في المرتفعات وخاصة منتزه السودة.
انا سرت مرتين سكنا في فندق قصر أبها الجو كان حلو يعني مب برد وايد ولا حر التلفريك كان في جنب الفندق على طول وحديقة العاب ومطاعم يعني باختصار اذا يلستي في فندق قصر أبها بتوفرين مشاوير وايد وكنا نطلع على السوده كل ما ارتفعتي برد الجو المنطقة كلها جبال انا اعيالي وايد اتمللوا ايشوفون الناس ماشاءالله عوايل واحنا بروحنا يعني حلو لو حد وياكم بس يومين اوكي نحن يلسنا اسبوع المهم في السوده مطاعم على شكل خيام يعني كل عايلة تيلس في خيمة والاكل وايد لذيذ اسواقهم اتكون تحت في لبلاد شلوا وياكم أغراضكم لان مشوار من فوق لين تحت اذا عندكم اعيال فيه دراجات نفس الي في البر عندنا كيفوا اعيالي عليها والفواكه عندهم طازجة من مزارعهم لا تفوتون التين الشوكي كل طلعة كنا ناخذ نحنا سرنا في طيارة من مطار جدة لين أبها الطيران وايد رخيص يمكن 300درهم بس للشخص ما جربت السيارة الدرب أكيد بيكون طويل فندق قصر أبها انصحج فيه وسعر الليله 500درهم أحسن من الشحططة بترتاحون فيه وفيه مطعم فخم فوق يوم بتسيرين اتذكريني وادعيلي أنا مرتين سايرة أبها ويالسة فيه
آآآآآآآآآآآآآآآآه ذكرتيني بابها
سايرة مرتين و بعد خاطري اسير
الجو يجنن الحين و نفاف و الفواكة الفريش
خذوا شقق صوب السودة او اللي في السنتر وين
فندق القصر
الشقق بدون مكيفات و تفجين الدرايش نحن سرنا
شهر 7 و في الليل شغلنا دفايات^_^
بصراحة رووووووووووووووووووووعة و لا تنسين
تأكلين همبرغر من هرفي فظيييييييييييييع
فظييييييييييييييع
و بعد روحوا الحبلة و سيروا عند السبلان
بس تموا في السيارة عسب ما يهجمون عليكم خخخخخخخخخخخخخ
و لا تنسين تسيرين حديقة الملاهي
صغيرة و لكن حلوة
و تأكلين كنافة وااااااااااااااااااااااي يمي يمي يم يم
و سيروا صوب فندق كونتننتال و صلوا هناك
نحن بتنا ليلة وحدة في الفندق
و ردينا الشقة لان دام ان الجو حلو حرام
تسكنون في فندق
و لا تنسين تسيرين محل (كبييييييييير)
اسمه على ما اعتقد جوهرة
فساتين السهرة بلالالالالالالالالالالالالالاش عندهم
و ارقى من الراقي
وووووو سيروا السودة اركبوا تلفريك اسميه زياااااغ
و انزلوا تحت كلوا مظبي و مندي يمي يمي
ياليت اذا في صور لابها تحطوها عشان الواحد يتحمس