كورفيت Z06 موديل 2006

18 thoughts on “كورفيت Z06 موديل 2006”

1. هلا خالد،

   أخوي اللي عاش دائما يستخدم الكورفيت ويسمع هدرة V8 صعب صعب جدا يسوق سيارة تطحن حب وراء أذنه. مع أحترامي انا من الناس اللي يشتري السيارة لمتعته الشخصية وليس لمتعة الناس … واذا كان تقصد اللي “في بالي بالك” بعدك ماتعرف سحر الكورفيت

   وثانيا 996TT قوتها 420 حصان والكورفيت العادية قوتها 400 !! بس طال عمرك حصان عن حصان يفرق !! قال خذلك بورش … وكذلك البورش حكم عليها بالفشل خصوصا مع هذا الموديل القبيح (996) من 1998 !! الله يهديك بس ياخالد الناس ودروها من زمان

   عموما ، اذا كنت خاطف في الشارع وتراوالاك M6 عنابي علية رقم دبي رباعي الفئة F لاتتردد أن تضرب لي هرن F- 1xx1 …. أكيد بتعرف ليش ما أفكر بطحانة الحب ألحين

   وبعد أكيد ماعندك فكرة عدلة عن M6 بس عسب أتفادى المناقشة أطمش على الروابط التالية :

   http://video.google.com/videoplay?do…00&q=M6+205mph

   http://video.google.com/videoplay?do…37883&q=m6+911

   وأن شاء اللـه أول ما أحصل الـ OK من النابودة 997TT بتكون معروضه للبيع على شهر 6 – 9 وعشان خاطرك بطلب فيها 30,000 فائدة بس لأني مش راغب فيها وايد وعيب أطلب عليها مبلغ أكثر عن الكوفيت

   عموما حطني في بالك وأنتظر الشهور 3 القادمة
   حياك اللـه وأشكرك لأثراء الموضوع

2. يا جماعت الخير … الكوفت Zo6 قوي انا مب مختلف معاكم … بس يا جماعه السيارات الايطاليه مب فيراري و بس .. و لا لامبو .. انتو نسيتو ال Zonda ؟ و Koeing ؟ صح انه نادرات … بس شي منهم في البلاد و قامن ينتشرن ….

   و بالنسبه للبورش …. هههههه انته بروحق فتحت الموضوع .. عاد الحين حد ايودني ههههههه
   عزيزي dubai007uae البورش كله على بعضه سته سليندر 3.6 لتر … يعني نص مكينة الكورفت او شوي اكثر … مضغوطه بتيربوات صغار .. حجم KKK16 .. مافي مجال اتقارنه ك-سياره ستاندرد مع الكورفت … بس خل في بالك انه التوربو نزل 2001 و ال C6 2006 يعني خمس سنوات .. الياهل ينولد من بطن امه و يمشي و يرمس ف انا بقارن ال Zo6 و ليس ال C6 400 HP مع البوش توربو 997 الي هو 2007 …..
   ——————
   و على طاري التزويد ترى البورش توربو ال 996 (الشكل 2001-2005) سهل تزويده … و بchip يوصل 480 Hp و كزوز مع توربو KKK24 يوصل 540HP

   ف الله يهديك و يهديني انشاالله … و يرضى علينا جميعاً … ماله داعي نتزامط .. يعني اذا انا في خاطري الكروفت ما بعور راسي جيمته يديد جيمت بورش مستعمل 3 سنين … بس هو في النهايه يرجع على ذوق الشخص نفسه … انا احب البورش مب لانه قوي و بس.. لاكن لانه سبورت و عملي و فيه امان … هههههههه و بعد لانه ههه و لا عيب ماله داعي انقول .. ياخذون عنا فكره مب زينه بعد ههههه
   ——-
   يا سييدي … الله يوفقك و اتبيعه انشاالله و تحصل فايدتك .. و تاخذلك بورش تستانس فيه

3. لا اخويه بتوفيييج انشاالله
   بس انا حبيت اوضح انه كلامك صحيح بالنسبه للسعر الكورفيت على هذا المشي
   صراحه وايد سعره زين

   بس الرابط اللي انته حاطنه هذا اللمبرجيني قلاردو 10 سلندر مب المرشلاجو 12 سلندر
   القلاردو 500 حصان بالكورفيت العاديه امجربين وياها ماتمشي
   ال ZO6 بتاكلها اكل

   بتوفيج اخويه اذا عرضت الموتر قبل اسبوع كنا بنشتريها
   بس انشاالله خير

   والسموحه

4. أخوي Flex

   المرسيدس اللي في الرابط مزودة وليست وكالة ( على فكرة المرسيديس CL65 عليها محرك 12 سيلندر توين تيربو ). كذلك السباق كان على الماشي ومن سرعة 100 ولو تم على الواقف كان بيكون في كلام ثاني) لاتنسى مزودة !!

   بالنسبة للمرسيلاجو، من الواقف الكورفيت أسرع عنها وبسهولة كبيرة … الكورفيت تحتاج لسواق وترك الباقي عليها

   ومثل ما ذكرت بالفعل هذه السيارات لا يمكن أن تقارن بالكورفيت من حيث الأسم والشكل وخصوصا لما نعرف أن اسعارها بالملايين.

   بس المهم أن هذي السيارات مش للأستعمال اليومي !! أما الكورفيت ” كابريس قدامهن” خذها وين ماتبى!!

   عينك عليها وهي تصلخ اللمبورغيني المزودة:

   http://videos.streetfire.net/search/…5231177C4A.htm

   عموما شكلكم ما راح تخلون الواحد يبيع السيارة براحه … أمزح وياكم

5. شي سيارات ايطاليه مثل اللمبرجيني مرشلاجو
   فيراري 575 جي تي سي
   و غير الايطاليه وايد

   بس طبعا ماتقدر اتقارن عشان السيارات هذه اسعارهن اضعاف الكورفيت وسواقتهن غيييييرر
   يعني اذا تبى اطيير خذلك سوبرا وزود مليون حصان
   يوم عندك وشهر فالكراج وانسى التبات و الامان بس دوووس على شارع سيييده

   الكورفت ZO6 عند ولد عمتي سياره قويه وعندنا فيراريات بنجرب انشاالله و بنخبركم
   شوف الفيديو الكورفت ZO6 مع مرسيدس سي ال 65
   المرسيدس يفوز خط
   http://videos.streetfire.net/search/…36A73346FC.htm

   والسموحه

Comments are closed.