شفرولية “كورفيت – Z06 ”
موديل 2006
جديدة 0 كيلومتر وتحت ضمان الوكيل في الدولة
اللون أحمر
مواصفات خليجية
محرك 8 أسطوانات سعة 7 ليتر وبقوة 505 حصان
ناقل حركة يدوي ذو 6 سرعات
كاملة المواصفات بالأضافة لشاشة عرض تعمل باللمس ونظام ملاحة خليجي.
كراسي جلد لونين أسود وأحمر
التسليم في الوكالة وبعد شهر بالتحديد
السعر في الوكالة(285,000 درهم) السعر المطلوب 350,000 درهم … السيارة ذات كمية محدودة جدا جدا
معلومات أضافية : التسارع من 0 – 100 كلم (3.7 ثانية) والسرعة القصوى 320 كلم، هذه السيارة لايوجد مايضاهيها بالتسارع من السيارات الأيطالية فراري سوى Ferrari Enzo
لو اتنبش في المنتدى … بتحصل اني كنت عارض M5 ال E60 الي هيه الشكل اليديد …. و بصراحه و الصراحه راحه ….. الموتر ماشي 2500 كم .. اختربت البروجكتر مال ال RPM وديناه الوكاله و بدلوله قطعه … قلنا نا عليه .. مانفكجر ديفكت … .. مشينا 3800 .. و في نص الشارع .. نقع شي و ولع ليت … Transmission Faliure … ولعنتين .. وقفت السياره و طلبت ريكوفري … … من عقبها عفتها و عفت اليوم الي فكرت اخذ فيه بي ام … لا بارك الله في من موتر .. دللتبه 3 شهور … و بعته خسران 50,000 ……. و هذي هيه قصتي مع البي ام .. ام سيريس … القوه مب دايمن اهم شي … الكوالتي اهم الاشياء في الموتر …
و هذي مب اول سيارة بي ام اتبهدل فيها …..
و بالنسبه للفرق بينها و بين ال ام 6 .. ال ام 6 شوي خط يروح لانه خفيف و انسيابي ..
——————————
و بالنسبه لخلاطة الحب … ف ال 996 ك شخصيه بورش .. الناس ما حبوه .. بس لو كان فاشل جان ما رفع مبيعات بورش مادر كم 20+++ %
…. انا مادريبك ليش معصب .. بس ياخي ما يسوى عليك تاكل عمرك هههههههه …
و ال 997 الين الحين ايخبروني الويتنج وصل 120 شخص .. مادري عاد جان صدق …
الله يوفقك انشاالله … تاجر في المواتر احسن لك .. … ابرك عن هل اسهم .. الكجره .. ههههه
أخوي Flex أشكر مداخلتك
الأخوة فرعون و عفريت،
الأخ فرعون أستلمت رسالتك وما راح أصرح بالسعر اللي أنت حاطه الى اذا أنت حبيت. أنا مبدئيا ما عندي مانع بس أحد الأخوة راسلني ونوعا ما عارض علي نفس سعرك . بس هو حابب يتأكد من الوكالة بخصوص كلامي عن محدودية السيارات الواردة للوكيل. وانا عاطنه كلمه، ومتفق وياه يرد علي بكرا العصر قبل الساعة 5.
أخوي عفريت أذا ممكن تبعثلي سعرك على الخاص أو حتى كمداخلة في الموضوع أذا حبيت.
وأن شاء اللـه خير
سعرك النهائي اخوي و باجر اسلمك دفعة من المبلغ قبل لا يوصل الموتر…بس نزل من السعر
مرحبا dubai007uae،
عزيزي كلامك عن الموتر ماعليه غبار بس المبلغ شوي مبالغ فيه …. أنا شراي بس أذا مستعد تنزل شوي راسلني على الخاص.
الكاش زاهب فورا ً … بس راعني في السعر
في أنتظارك