دعوى مواطن ضد سيرة الحب أجلت إلى 18 فبراير
أجلت الدائرة المدنية في المحكمة الكلية القضية المرفوعة من أحد الآباء ضد الدكتورة فوزية الدريع وقناة الراي الى جلسة 18 من فبراير المقبل للاطلاع من دفاع «الراي» والدريع على الدفاع المقدم من محامي الأب والمتمثل في المحامي مزيد اليوسف.
وقدم دفاع الأب نسخة من تسجيل الحلقة موضوع الدعوى التي ذكرت فيها الدريع بعض العبارات الجنسية حسب ما ورد بصحيفة دعوى الأب الذي يطلب في دعواه الحكم له بالتعويض بمبلغ 5001 د.ك على سبيل التعويض المؤقت عما أصابه من ضرر تسبب فيه فعلهما الخاطئ بسبب ما بُث في احدى حلقات برنامج «سيرة حب» من بعض القضايا الجنسية التي أثارت فضول ابن المدعي الصغير ودفعته الى التحرش بشقيقته الصغيرة.
مب غلطه الدكتوره اذا اكثر المشاكل في الخليج عن الجنس وكل واحد عنده مشكله ويا ربيعته او اي وحده عندها مشاكل ويا ربيعها.
الشي الوحيد الي العرب ما يتقبلونها هي الصراحه، والدكتوره اترمس الناس جنها اترمس ربعها يعي هل في ربيع يلس ويا ربيعه ما يرمس عن هالسوالف مستحيل.
وبعدين لا حياء في الدين وهي ما اتيب شي من عندها كل الي اتقوله من الكتب بس ابصوت مسموع،
والي ايخاف على عياله لا ايلسهم جدام التلفزيون ابروحهم ^_^
والسموحه
الصراحة الدكتورة فوزية الدريع احيانا ماتستحي ومعضم كلامها عن الاشياء الجنسيه وغيرها وتستاهل
الشي الي انا مستغربه منه ليش يطلب تعويض شي غريب يعني الفلوس شو بترد له..ماا دري الناس كيف اصبحت متخبله على الفلوس عافان الله..وبعدين هاذيلا العيال ما سوو هاي الحركات الا من حلقة فوزيه الدريع عيل وينهم عن الافلام وعن النت.شي يخلي الواحد يستغرب
وثاني شي فوزيه ماشاء الله عليها زينه وتفيد لكن مرات اشوووووي اتخور يعني اتقول كلام مب لازم اتقوله..
ماشاء الله !!
تستغــفر ،، وتدعي عليــها وتســبها !!!
عيــل أحســن لك لا اتقــول شي أبــدا !!
”
فوزيــه الــدريع ”ماعليــها كــلام !! وتعجبنـــي وايــد !!
كـلامها منطــقي 100%
كثيــرا ما تستــدل بالــدين ،، والشــريعه
الغــلط ما تســكت عنه !! << يــاما وقــفت حريــم عند حــدودهــن بســبب تصــرفــاتهن الغبيــه !! ومــاكانت اتخــاف في الحـــق لومــة لائــم ..
وهالـلي رافــع قضيــه ضــدها ويطــالب بالتعــويض ،، بــس همــه يــلفت الأنظــار صوبــه !! ويــزعــزع ثقــة النــاس ومحبــتهم في الدكتــوره << غيــره !!
وله هيه حبكــت على الألفــاظ الجنسيــه الســاخنه !!!! يعــني ما فكــر إنــه ممكــن ولــده ،، متنيــل في 60 نيــله ،، وصــايع ويشــوف هالقنــوات الخايســه اللي تــارسه التلفــزيون !!
يعــني ما حــصل غيــر هالبــرنامج يحــط اللــوم عليه !!!!!!! ونســى باجي القنــوات ،، والأفــلام الماصخـه اللي فيــها !!!
خــله يــأدب عيــاله ،، ويحــرم عليــهم التلفزيــون هالوقــت ،، وعــقب يتحــرطم !!!
لـكن ،، أتمنــى ومن كــل قــلبي إنــه الــدكتوره فوزيــه ،، تصمــد في هالقضيــه ،، واتــواجه الاتهــام بكـــل قــوه ،، وعقــل ،، وإراده ..
================
أختــي
” ريم الشحـــي “
مشكــورة على النــقل