السلام عليكم
اشحالكم
طبعا الكتاب مبين من عنوانه …
أنا موظف على قد حالي وراس مالي راتبي ونصه يطير عالسلفيات
يعني من 4000 يبقى لي 2000
وفاتورة التلفون بروحها 2000
يعني أفلس
وانتوا ماشالله عليكم عندكم أفكار حلوه وممكن تفيدني
كيف اقدر أبدأ من الصفر وأسوي شي يساعدني في المعيشة لاني ماقدر اعتمد على هالراتب
يعني أبا اصير تاجر بس من الصفر
ياليت حد يقدر يساعدني …
بانتظار آراءكم ..
أخواني اشكركم على ردودكم
بس أنا ما أبا احرم نفسي عشان اوفر 1000 درهم
انا أبا مصدر دخل مع راتبي …
وعن صادراتي ووارداتي
أنا راتبي 4000 …
2100 تروح لأقساط البنك
والباقي حق فاتورة التلفون
والأهل ما يقصرون معاي في المصاريف لآخر الشهر
بس ما ابا اعتمد عليهم
ولا على راتبي
ابا شي يطلع لي فلوس
والصراحة بديت احس من ردودكم ان فيه امل تتعدل أموري
ويزاكم الله خير
مثل ماقالوا لك الاخوان قلل من فاتورتك
واذا عندك 100 درهم حطهم في الصكوك الوطنيه
واذا حظك حلو يمكن تفوز بمبلغ حلو
لا ترمس وايد بالتيلفون وبتوفر…..
أولا حول بطاقتك من فاتوره إلى واصل…
ثانيا سويلك حصاله خشب ” عشان ما تقدر تفتحها ” وحط فيها الريالات اللي تكون عندك بنهاية اليوم بشكل يومي
ثالثا أدخر النص أو الربع من راتبك بحيث أنك تتفق ويا البنك اللي تتعامل وياه أنه يقص مبلغ معين من راتبك ويحتفظ لك به لمده سنتين كمثال
رابعا اصرف على الشي اللي تحتاجه ولا تصرف بيزاتك على أشياء أنت ما تحتاجها
خامسا عندي لك مشروع تقدر تطلع مبلغ ولو بسيط منه..
بطرش لك التفاصيل على الخاص..
طبعا المشروع برأس مال 200 درهم..
اول شي ابدأ بفاتورة التلفون من 2000 درهم
لـ 200 درهم
راح توفر 1800 درهم
1800 ضرب 12 شهر = 21600
21600 ضرب 10 سنوات = 216000 اذا عندك طولة بال
واذا لا فبعد سنة من توفير الـ 1800 شهريا
اي مبلغ 21600 قم بشراء بضاعات التجزئة
واعادة البيع وهكذا
او قم بشراء سيارة صغيرة الا اذا كان عندك سيارة
وقوم على توصيل بضائع اعضاء منتديات الاقسام التجارية بمبالغ رمزية ولكن قم بجمع عده طلبيات وقم بالتوصيل بوقت الفراغ بعد العمل او الاجازات الرسمية
فالك طيب .
انا بقدر اساعدك ..
بس قبل كل شي عزيزي . لازم انت تساعد نفسك .
الحين .. ابغيك تخبرني الصادرات و الواردات عليك شهريا . يعني راتبك جم . ووين توزعة بالظبط ؟
وعقبها بقدر افيدك بتجربتي وخبرتي ان شاء الله