السلام عليكم
اشحالكم
طبعا الكتاب مبين من عنوانه …
أنا موظف على قد حالي وراس مالي راتبي ونصه يطير عالسلفيات
يعني من 4000 يبقى لي 2000
وفاتورة التلفون بروحها 2000
يعني أفلس
وانتوا ماشالله عليكم عندكم أفكار حلوه وممكن تفيدني
كيف اقدر أبدأ من الصفر وأسوي شي يساعدني في المعيشة لاني ماقدر اعتمد على هالراتب
يعني أبا اصير تاجر بس من الصفر
ياليت حد يقدر يساعدني …
بانتظار آراءكم ..
الغالي … كم ورد في حديث الرسول عليه الصلاة والسلام ( تسعة أعشار الرزق في التجارة )
شد حيلك
ياريت الاخوان اللي عندهم افكار يطرحوها على العام
لأن الكل يبى يستفيد
وأنا اولهم أفكر في طريقة للتجارة من الصفر
بارك الله فيكم
ياخوي مد ريلك ع قد لحافك .. قلل فاتورة التلفون ل 200 درهم
اشتري لك فقاسة ب 1500 (300 بيضة) .. البيض المخصب موجود بكل مكان ولكافة الطيور
اشتر
وابدأ شوي شوي
الطيور غالية وتدخل لك
(لو دياي عادي .. عليك بسعر البيض بس وكل صوص اول مايطلع من البيضة سعره حدود ال 5 دراهم (بمعنى وفيت حق الفقاسة 5 * 300 من اول ضربة) .. هذا لو بعتهن اول مايظهرون من البيض
ولو تعبت عليهم شوي يزيد السعر
لا تنسى (بعده دياي عادي)
الباكستاني الصوص اول مايظهر من البيضة ب 50 درهم
النعام
البط
وغيره من الطيور
ولا تنسى بعد ان الفقاسة مازالت موجود وفأي وقت تقدر تبيعها (يعني مب خسران شي)
بس يبالها عباله واهتمام
ومن بعدها بفترة المواشي والغنم لو عندك مكان
وكذلك عليك بالشغلات المهنية
سوي قفاصة خشب وبيعها
والسوق فاتح ذراعيه بس تحرك وانا اخوك
برب لا تنسانى انا راسلنى انا بعد اذا عندك تجاره حلوه
شكرا :