السلام عليكم و رحمة الله و بركاته,,
بغيت نصيحتكم يا جماعة الخير,,
أنا حاليا في كورس,, زميلتنا “م” ولدت بالسلامة,
صديقتي “ل” و انا حطينا مجموعة من الاشياء في صندوق عسب نهديه لصديقتنا “م”.
و الأسبوع اللي طاف خبرنا “م” بان تتريانا عسب نعطيها هديتها,,
صديقتي “ل” قالت: سيارتي بعيدة تعالي معاية يا دلافين, سرت معاها جهة المواقف عسب ما اتكون ابروحها, و في التلفون خبرنا “م” اتي هي و ريلها صوب المواقف لان هديتها في دبة السيارة,,
نزل زوج “م” و خذا الصندوق من دبة السيارة,, و انا و “ل” في السيارة,,
المهم, “ل” عقب وصلتني عندا سيارتنا في المدخل,,
امنو كان في سيارته و يراقب الموقف؟؟؟
سلمكم الله كان واحد من اللي معانا في الكورس,,
طبعا “م” كانت في السيارة مع زوجها يوم هو نزل ياخذ الصندوق,,
لكن اللي في سيارته يراقب,, ما ادري اذا كان يدري بان زوجة الريال كانت في السيارة,, الشيطان يوسوس في الانسان,, و عادي الانسان بيظن شي سئ و العياذ بالله,,
و انا الحين احاتي,, احاتي بان المراقب سار ظنه بعيد,,
موضوعي يمكن يكون غبي,, لكني ما ابغي اتصرف بغباء,,
يعني كنت افكر ابعث ايميل من قائمة الايميلات اللي في الكورس لهذا المراقب, اخبره بان ما يظن شي سئ,, لكن ما بسوي شي غير عقب ما اسمع شوركم,,
الموضوع . يباله طاف
ما تسويله سالفة اختي .
الاخوان كفوا و ووفوا بردودهم المتزنة . و ما يصح الا الصحيح.
لا تعطيه ويه … و خلك كوووووول
بأمان الله
لا تبعثين ايميل ولا شي .. توكلي على الله دام نيتج طيبه
اختي بالعكس اذا بعثتي الايميل بيفكر انج عاطتنه مجال و بيسيىء الظن فعلا
الله يحفظج
لا تسوين شي
انتظري
اذا تكلم بعدين اتكلمي
خلج واثقة من نفسج ولا تهتمي بكلام الناس وايد
اختي دلافين اياك وارسال اي ايميل لأنك سوف تلفتين الانتباه لامر سوف يفسره الاخرين حسب اهواءهم
وما دام عندك تقوي الله فلا تخشي لومة لاءم لان الله يعلم السريره والله كفيل باظهار الحق