السلام عليكم و رحمة الله و بركاته,,
بغيت نصيحتكم يا جماعة الخير,,
أنا حاليا في كورس,, زميلتنا “م” ولدت بالسلامة,
صديقتي “ل” و انا حطينا مجموعة من الاشياء في صندوق عسب نهديه لصديقتنا “م”.
و الأسبوع اللي طاف خبرنا “م” بان تتريانا عسب نعطيها هديتها,,
صديقتي “ل” قالت: سيارتي بعيدة تعالي معاية يا دلافين, سرت معاها جهة المواقف عسب ما اتكون ابروحها, و في التلفون خبرنا “م” اتي هي و ريلها صوب المواقف لان هديتها في دبة السيارة,,
نزل زوج “م” و خذا الصندوق من دبة السيارة,, و انا و “ل” في السيارة,,
المهم, “ل” عقب وصلتني عندا سيارتنا في المدخل,,
امنو كان في سيارته و يراقب الموقف؟؟؟
سلمكم الله كان واحد من اللي معانا في الكورس,,
طبعا “م” كانت في السيارة مع زوجها يوم هو نزل ياخذ الصندوق,,
لكن اللي في سيارته يراقب,, ما ادري اذا كان يدري بان زوجة الريال كانت في السيارة,, الشيطان يوسوس في الانسان,, و عادي الانسان بيظن شي سئ و العياذ بالله,,
و انا الحين احاتي,, احاتي بان المراقب سار ظنه بعيد,,
موضوعي يمكن يكون غبي,, لكني ما ابغي اتصرف بغباء,,
يعني كنت افكر ابعث ايميل من قائمة الايميلات اللي في الكورس لهذا المراقب, اخبره بان ما يظن شي سئ,, لكن ما بسوي شي غير عقب ما اسمع شوركم,,
.
.
.
ليش ما رحتوا تودين الهدية للبيت ، يعني زيارة اجتماعية و مباركة بمناسبة المولود و بالمرة تاخذون الهدية وياكم
هالشيء لي مستغرب منه
الافضل ما ترسلين لإنه يمكن هالشخص ما فكر غلط ولا شي .. بس كان يراقب وخلاص .. يعني المفروض ما نستعجل .. ولا له دخل أساسا .. وكلي بطيخ صيفي >> ع قولت أخوانا المصريين
الله يحفظـج ويستر عليج ويبعد عنج كل شر
اللهم نجعلك في نحورهم ونعوذ بك من شرورهم
كريريها واتوكلي ع ربج المعبود
والسموحه
مشكورين ما قصرتوا,,
رايكم كلكم واحد,, و تراه ريحني,,