كيف اعوضهم عن حنان الأم….بليييز ساعدوني

25 thoughts on “كيف اعوضهم عن حنان الأم….بليييز ساعدوني”

1. ما شاء الله في ردود تثلج الصدر..

   وفي ردود أخرى سلبية مالها داعي..إذا الإنسان ماعنده كلمة خير يلقيها أو دعوة بظهر الغيب فـ مافي داعي يدخل ويثقل على الغير..

   واعتقد إذا الإنسان بيكفل يتيم بيسوي هالشي بالسر وماله داعي ينشر فالمنتدى..
   انته اخويه تعرف هالأخت شو نواياها..ولأي مدى وصلت مساعدتها أو أعمالها الخيرية؟!..لا..

   عالعموم..

   كلمت القنوعة وشكلها متحكمة بالوضع تمام ما شاء الله عليها

   ما قصرتي يا علني افداج

   كفيتي ووفيتي

   __________________

2. الله يعطيج الاجر ان شاء الله يا القنــوعه …

   اختي انا بقولج عن تجربتي ….

   انا كان عندي 4 اقطاوه مش يتامى امهم عافتهم وطلعت بلا رده حتى …

   ان حطيتيهم ويا قطوه ثانيه توها مربيه ممكن تاكلهم او انها تاذيهم لانه مثل ما قلتي عمره الحين 18 يوم يعني اشويه كبروا ..وبعدين قطعه الصوف لا تخلينها دايما حولهم لانها بتخلي
   شعرهم يحسحس ويحت ….والحين اعمارهم تسمح انج تحطين وياهم لعبه اصغيره دبدوب مثلا… مساكين بيتحرونها الماما ….

   الابره فكرتها حلوه .. وراح تنفعج لانها نفعتني..
   يمكن الحليب ثجيل عليهم انتي خففي الحليب بانج تزيدينه اشويه ماي…
   فا بيكون رفيع ، خذي القطو في حضنج ولفيه بالفوده
   بعدين حطي ايديج تحت لحيته بحيث انج تثبتين ويهه…
   اعصري اشوي اشوي الابره فا هوه بيحس بالحليب وبيحاول يلحس مش انه يمص كل مره تعصرين الابره
   ويظهر منها بيتم يتلحس …..
   وكرري العمليه مع كل القطاوه اعطيهم اشوي اشوي
   مجرد يتذوقون وقبل لا يشبعون خذي القطو الثاني ،
   الطريقه هاي بتخليهم يفهمون انه في مساله طعام
   وراح يتلهفون انهم يشربون اكثر…
   ونصيحه كونهم كملوا اكثر من اسبوعين لازم تمسحين
   على ظهرهم بحيث انج تحطين ايدج عا راسهم مرورا بالظهر حتى الذيل وتقومين بسحب الذيل برفق ..
   واتكررين العمليه كل يوم وتزيدين من شدة السحب .
   هاي العمليه راح ما تخليهم يشرمخون وما يتوحشون
   وما يستخدمون اظافرهم ويتمون دايما في وضع استعداد للهجوم.. بتخليهم يكونون اليفين ..

   اتمنى تستفيدين من الطريقه ….

3. ما شاء الله في ردود تثلج الصدر..
   وفي ردود أخرى سلبية مالها داعي..إذا الإنسان ماعنده كلمة خير يلقيها أو دعوة بظهر الغيب فـ مافي داعي يدخل ويثقل على الغير..

   واعتقد إذا الإنسان بيكفل يتيم بيسوي هالشي بالسر وماله داعي ينشر فالمنتدى..
   انته اخويه تعرف هالأخت شو نواياها..ولأي مدى وصلت مساعدتها أو أعمالها الخيرية؟!..لا..

   عالعموم..

   كلمت القنوعة وشكلها متحكمة بالوضع تمام ما شاء الله عليها

4. لو تكفلون لكم يتامى في العالم و تهتمون بهم مب أحسن من تربية القطط ..

   لو بنكفل يتيم ما بنحط نشرة على المنتدى ان احنا كفلنا يتيم … ها اولا

   وثانيا لولا اني صدق طايحة بمشكلة صعبة مع القطاوة المساكين هذيل ولا ماكنت كتبت الموضوع هذا بالمنتدى

   وثالث شي انا طبعا اشكر الجميع على مساعدتهم لي واهتمامهم بالموضوع

   ورابع شي والاخير شكرا على تعليقك الجميل

   __________________

5. وديهم العياده .. اذا انتي ببوظبي وديهم العياده الامريكيه .. انا نفس السالفه استوت لي قبل بس هاسكي مب قطو .. و الحمدلله الحين عمره 3 سنين ..

   وديتهم امس فالليل العيادة البيطرية وقالي عمرهم 18 يوم

   عطاني حقهم ابره علشان يشربون بس حرام مايقدرون الابره وايد قاسية عليهم

   وانا اصلا يايبتلهم مرضعة من عند عالم الحيوان وحليب خاص لهم

   وقهرني لما قالي عطيهم بابره

   __________________

Comments are closed.