السلام عليكم والصلاة والسلام على سيدنا محمد وعلى اله الكرام
اخواني اصحاب الخبره انا شخص لا هامور ولا شيي وعلى قد حالي راتبي بين 5000-8000 والحمد لله والشكر
اريد اسوي لي مشروع لو صغير يدخل لي مبلغ صغير اخر الشهر لو مبلغ بسيط لو حتى يدخل لي 2000 مو مشكله بس المهم فايده كيف ابدا يا ريت الجادين بس يساعدوني انا جاد واتمنى احصل رد
وحياكم الله
الله الحافظ
بالتوفيق اخوي واللي عنده مشاريع لو بسيطة يطلعنا عليها ليستفيد الجميع
وفق الله للتجارة الحلال البعيدة عن الشبهات والحرام.
وما أوصيك أخوي الفاضل بالتوكل على الله حق توكله والاستعانة به، فهو سبحانه مقدر الأرزاق.
حفظك الرحمن.
هلا اخوية المشاريع ووايد بس لازم تكون مقتنع بالمشروع نفسة
ربي ايوفقك ان شا الله
شوف الخاص
راجع الخاص
السلام عليكم ورحمة الله وبركاته
أخوي المروري في مشاريع كثيرة ، تقدر تبدأ بها وبإمكانيات بسيطه أنشاء الله :
مثلا :
خياط ملابس رجاليه تراه وايد ماشي خاصه (الختم ) ، أسولف هههحح
متجر ملابس جاهزه+ عطور وبخور تراه ماشي وايد ومطلوب
مغسلة ملابس + بالبخار
مقاولات كهربائية
صيانة مباني
مقاولا ت ألمنيوم وزجاج …أحم،أحم ..مثلي
مقاولات تكسية وأرضيات تراه ماشي على حسب المنطقة الي أنت فيها
أصباغ + ديكور
وكثير من المشاريع أنشاء الله ، وكل هذي المشاريع ما يبالها راس مال كبير ،وأذكرك لازم تعمل دراسة جدوى قبل ما تفتح أي مشروع وتدرسه زين ما زين ، وفي بلادنا الخير الكثير والدليل على ذلك الآسيويين أللي هادين أبلادهم ويايين يترزقون أهنه ويطلعون الملايين من ورانا ، الله يرزقهم …
واذا بغيت أي شي تراني حاضر يالمروري .