السلام عليكم والصلاة والسلام على سيدنا محمد وعلى اله الكرام
اخواني اصحاب الخبره انا شخص لا هامور ولا شيي وعلى قد حالي راتبي بين 5000-8000 والحمد لله والشكر
اريد اسوي لي مشروع لو صغير يدخل لي مبلغ صغير اخر الشهر لو مبلغ بسيط لو حتى يدخل لي 2000 مو مشكله بس المهم فايده كيف ابدا يا ريت الجادين بس يساعدوني انا جاد واتمنى احصل رد
وحياكم الله
الله الحافظ
السلام عليكم ورحمة الله وبركاته
أخوي المروري في مشاريع كثيرة ، تقدر تبدأ بها وبإمكانيات بسيطه أنشاء الله :
مثلا :
خياط ملابس رجاليه تراه وايد ماشي خاصه (الختم ) ، أسولف هههحح
متجر ملابس جاهزه+ عطور وبخور تراه ماشي وايد ومطلوب
مغسلة ملابس + بالبخار
مقاولات كهربائية
صيانة مباني
مقاولا ت ألمنيوم وزجاج …أحم،أحم ..مثلي:rofl:
مقاولات تكسية وأرضيات تراه ماشي على حسب المنطقة الي أنت فيها
أصباغ + ديكور
وكثير من المشاريع أنشاء الله ، وكل هذي المشاريع ما يبالها راس مال كبير ،وأذكرك لازم تعمل دراسة جدوى قبل ما تفتح أي مشروع وتدرسه زين ما زين ، وفي بلادنا الخير الكثير والدليل على ذلك الآسيويين أللي هادين أبلادهم ويايين يترزقون أهنه ويطلعون الملايين من ورانا ، الله يرزقهم …
واذا بغيت أي شي تراني حاضر يالمروري .
وفيه مثل صيني يقول” بداية الألف ميل خطوه “
السلام عليكم والصلاة والسلام على سيدنا محمد وعلى اله الكرام
اخواني اصحاب الخبره انا شخص لا هامور ولا شيي وعلى قد حالي راتبي بين 5000-8000 والحمد لله والشكر
اريد اسوي لي مشروع لو صغير يدخل لي مبلغ صغير اخر الشهر لو مبلغ بسيط لو حتى يدخل لي 2000 مو مشكله بس المهم فايده كيف ابدا يا ريت الجادين بس يساعدوني انا جاد واتمنى احصل رد
وحياكم الله
الله الحافظ
السلام عليكم
اول شي أخوي عليك بتقوى الله سبحانه وتعالى وتحري الحلال في كل شي من رأس المال إلى كل صغيرة في مشروعك وعليك بسؤال أهل الخبرة ولا تغفل رأي كبار السن تراه ينفع وأسألني .
أما نصحيتي لك فهي كل الاتي اول شي ابدا بمنطقتك واقصد المنطقة اللي انته ساكن فيها مب الامارة
لف على المحلات اللي في منطقتك شوف منطقتك شو محتاجه وشوف المحلات الموجودة هل هي كافية ولا المنطقة محتاجه اكثر من محل وبعدين انتقل للمنطقة اللي عدالكم وهكذا لين تحصل ولاتعتمد على دراسات الجدوى ( على الرغم من انها مفيدة ) سوي الدراسة بروحك والاهم انك تبداء بشيء تعرفه او عندك خبرة او حب لمعرفته .
سامحني على الاطالة وأسال الله العظيم رب العرش الكريم أن يوفقك ويرزقك رزق حلال ويغنك عن سؤال الناس انه ولي ذلك والقادر عليه .
تحياتي
الغااااالي أفتح لك مغسلة سيارات و محل زينة ….مخفي وشغلات شبيهة
الله يوفجك أخوي
أخوك المنصوري
الله يوفقك ويرزقك بالحلال