السلام عليكم ورحمة الله وبركاته
اخوتي اعضاء منتدى الإمارات للأوراق المالية ، أسعد الله أيامكم ، ، ،
السوق الكويتي للاوراق المالية سوق صغير لكن رؤوس الأموال التي تضخ في السوق كبيرة ، والسوق الكويتي يتطور يوم بعد يوم ، اقول ذلك لأني قريب وشاهد على كل ما يقوم به السوق الكويتي .
سنبدأ هنا في تقديم مساعده وخدمة في تعريف كيف يمكن لأي شخص خارج الكويت التداول بالسوق الكويتي .
أي استفسار أو سؤال لا تردد فكاتب هذه السطور له خبرة وكفاية بالسوق الكويتي وأعمل في شركة استثمارية خاصة استطيع من خلال ما أعرفه تقديم مساعده والإجابة على كل الاستفسارات .
الأخ مضارب كويتي لو سمحت كنت ابي اسالك عن الشركات اليديده ؟
الله يعافيك ويخليك ربي Saud
شوف ياخوي في عندنا قطاعات ( بنوك استثمار تامين عقارات خدمات اغذية غير كويتي وصناعة ) من هالقطاعات في اسهم نسميها اسهم مضاربة لانها تصلح للمضاربة وللاستثمار مثل سهم مخازن الي اهي في قطاع خدمات لانها تتمتع بارباح طيبة وفي اسهم ماتصلح للاستثمار فقط للمضاربة مثل سهم شركة المال الكويتية وهي في قطاع الاستثمار لان ارباحها عادية لكن سعرها قليل وتساعد على المضاربة وعندنا شركة تصلح مع الاستثمار فقط مثل شركة جلوبل وطبعا المضاربة والاستثمار ترجع لشخصية المستثمر 🙂