كيف تحسب نسبة التسييل للاكتتاب في زيادة راس مال اعمار

اليوم كنت اتساءل بيني وبين نفسي كيف أحسب نسبة أسهم اعمار اللي لازم أسيلها بحيث يكون المبلغ اللي أحصله من بيع هذي الأسهم يساوي المبلغ المطلوب للاكتتاب في كل الأسهم اللي أقدر أكتتب فيها واللي تساوي في عددها عدد الأسهم المتبقية عندي ..

توصلت الى هذي المعادلة البسيطة ..

نسبة الأسهم المطلوب تسييلها = 1 ÷ ( ( س ÷ ت) + 1 )

س: السعر المستهدف لبيع السهم ( قبل زيادة راس المال )

ت : تكلفة السهم الجديد وتشمل القيمة الاسمية وعلاوة الاصدار

على سبيل المثال ..

اذا فرضنا انه السعر المستهدف لبيع السهم 55 درهم

واذا فرضنا تكلفة السهم الجديد 5 دراهم ( درهم قيمة اسمية و4 دراهم علاوة اصدار )

بتكون النسبة المطلوب تسييلها من أسهم اعمار الموجودة حاليا = 1 ÷ 12 = 8.33 %

اتمنى يكون الشرح واضح وتمنياتي للجميع بالتوفيق

وشكرا