كيف تصبح وكيلا أو صاحب وكالة ؟؟

16 thoughts on “كيف تصبح وكيلا أو صاحب وكالة ؟؟”

1. مرحبااا خويه قناص بوظبي

   يمكن انا ما افيدك وايد لانه خبرتيه في المجال الاقتصادي قليلة لكن انا كنت دارس هذا الشي في البزنس

   واللي اعرفه انك لازم تشتري الوكاله من عند الشركه الرئيسية

   خلنا نضرب مثال صغير ,,, مثلا لو كان في خاطرك انك تفج مثلا ماكدونلز هنيه في البلاد فعليك انك تسير للفرع الرئيسي وتشتري منهم الوكاله بالمبلغ اللي هم يحددونه لك ومن ثم هم يتكفلون بتأثيث المحل مالك بالإضافة إلى تعليمك كيفية عمل الأكلات اللي عندهم ,,, وطبعا يكون لهم نسبة ربح هم يحددونها لك ولغيرك من الدول الثانيه اللي فاجين مثلك

   وبالنسبة للهوامير ,,, مب شرط هم اللي يحتكروون كل شي انتي بمقدورك انك تفتح اللي تباه على حسب راس المال اللي عندك

   هذا كل اللي اعرفه في هذا المجال اتمنى اني فدتك ولو بالشي البسيط

2. هلا اخوي

   يعتمد على مدى العلاقة الي بينك بين الشركة….أكيد بيرضون اذا انت تعرفهم زين و تقنعهم باسلوبك.

   و سويتها ويا شركة ماليزية…فرضت عليهم انسوي مذكرة تفاهم ( ام-او- يو). قبل ما يعطوني شي و لا هم يلفون من وراي ويسوقون البضاعة لشخص ثاني.

   بالتوفيق

   ما هي مذكرة تفاهم ( ام-او- يو).

3. السلام عليكم اخوي

   الوكاله ممكن تكون لأي ماركه في الدنيا.. يعني اي شي اسمه مسجل كماركه مسجلة ما تقدر تستورده وتبيعه لازم تاخذ الموافقه من عند الوكيل الاصلي

   خذ على ذلك امثله لا تعد ولا تحصى…
   في الملابس مثلا
   Mango
   zara
   promod وغيرهم من ماركات الثياب اللي الكل يعرفهم فعشان تدخلهم البلاد.. لازم تراسل مكتب الشركه الرئيسي وتكتب معاهم عقد

   غير الثياب طبعا كلامي شامل لكل شي
   في مثال بعد وايد معروف للوكاله وهو وكالة مطعم McDonald ومن لا يعرفه 🙂

   اذا تبا تييب وكالة ماكدونالد طبعا لازم تتصل بمكتبهم الرئيسي
   ولازم ييون ويعاينون المكان اللي بتسوي فيه… هل بيحافظ على صورتهم ولا لا وهل يناسب ولا لا
   بعدين يوم يعطونك الموافقة وتشتري منهم الوكاله.. تدفع لهم بعد لان هم اللي لازم يجهزون لك المطعم بكل التجهيزات وهذا شرط من شروطهم
   عشان يضمنون ان كل مطاعمهم حول العالم لها نفس الشكل

   هذي اخوي فكرة بسيطه عن الوكاله …… وتختلف طبعا على اختلاف شو من المواد تبا انت تاخذ وكالتها

   تحياتي لك

4. مره كنت في منطقة الحرة في الشارجة ……….الصراحة شفت الموبيلات على كيف كيفك

   والوكالة يا خوي تحتاج مبلغ وقدرة اعتقد حتى انك تاخذ بشكل دوري منهم وكمية كبيرة

   طبعا حسب التجارة بالنسبة للسيارات في وكلاء حصيريين ، ويمكن تحصل بالتعاون مع أحد الاشخاص على وكالة ماركة معين من الشاي وغيره من المواد الغذائية

   اتذكر مره واحد خبرني قال نبيك تكون وكيل لشاي في الدولة بس حط لي شروط وقال لازم يكون عند مبلغ كبير ما اتذكره وكان باليرو قلت الله الغني

   طبعا هذه الكل لامور تسال فيها الدائرة الاقتصادية لانهم يعطونك التفاصيل الدقيقة

   وربي يسهل لك ان شالله باذنه

   سمسار القلوب

5. موضوع مفيد
   جزاكم الله خير

Comments are closed.