السلام عليكم ورحمة الله
هاالموضوع عجبني كثير وحبيت أتشاركوني فيه الفائدة
وللامانة منقووول
البعض منا يشتري عطر و يتشكى
و يقول مو ثابت
غاشينا
يا زين عطورات الخارج
و السالفة و ما فيها اننا ما نفهم وش العطورات المركزة من العطورات الخفيفة
****
اولا أسم العطر
Perfume
لما تروح تشتري عطر اقلبه واقرأ من ورا وش نوعه
اذا كان نوعه
Perfume
فهو عطر مركز جدا ويدوم إلى أكثر من 6 ساعات تقريبا
استعماله للسهرات لان نقطه وحده منه تقلب الدنيا.نفاذ جدا
والنوع الثاني
Eau de perfume
وهو عطر متوسط التركيز ..ويدوم إلى 5 ساعات
والنوع الثالث
Eau de toilette
وهو عطر خفيف ..ويدوم إلى 4 ساعات ومناسب للاستعمال اليومي
ورابع نوع
Eau de cologne
وهو عطر خفيف جدا وغالبا تلقاه بعطور الأطفال ..يدوم ساعتين بالكثير
****
المشكله هنا ان المحلات الكبيرة مثل دبنهامز
وباريس غاليري وغريها
يبيعونك نوع
Eau de perfume
بسعر
perfume
لأننا غافلين ولا ندري وش الطبخة
ولكم خالص دعواتي
كلامك صح انا عندي اخو برا … يابلي شاور جل وكريمات واشياء مالت الحمام
لكن بصراحه تخليك تطلع من الحمام مب لازم تحط عطر من ريحة الشاور جل النفاذه
بس صدقك بقوله اييبلي عطور من هناك
انا عطوري تييني من بره
اخواني يدرسون ف بريطانيا و استراليا و كندا
و صراحة فرق كبير بين العطور اللي يابوها واللي من هنيه
فرق السما والأرض
و بنفس الأسعار و يمكن أقل
صباح الخير
انزين وين انروح علشان نلافي العطور الاصليه اذا كان حتى باريس غاليري يقصون علينا
انا معظم عطوري من السوق الحرة بشيك عليها اليوم
يسلمووو على الموضوع
شـكــ وبارك الله فيك ـــرا لك … لك مني أجمل تحية