الحين الساعة 8 وبصراحة اليوم الجو غير رهيب عجيب رومانسي يدعو للتنزه وتغير الروتين ومافي أحلى من الطلعة بروحك ومع روحك لتبتعد عن تقلبات الأمزجة لدى البعض وتبتعد عن أعين الفضوليين لترى ناس غييير وحياة غير وتمدن غيير ، نصيحتي لك إلبس أحلى ملابسك ،وتعطر بالعطر لي تحبه وحر موترك وانويها رحلة سريعة لدار الحي فهذه مدينة الأحلام تستاهل منك وقفة سريعة في عطلة نهاية الاسبوع فلا تكاد تصلها إلا ترى معالمها الراقية تتلألأ من بعيد ويتقدمها برج دبي أطول برج عالمي لتعلن عن ترحيبها بك وترنم معي بقصيدة مطلعها ” صوب دار الحي أنويت السفر القلب مشتاق وأحث المسير ” ترى دبي وأنا أخوووووك غييير غير..

برنامجي اليوم سيكون إن شاء الله على الساعة 9 ونصف-10 في ستي سنتر ديرة دبي سنتر صغير ويمكن تخلصه في دقايق تاخذ جولة في جنباته وتمر على متجر الإلكترونيات لترى كل ماهو جديد في هذا العالم يمكن تاخذلك حاية إلكترونية تعجبك،، ومن ثم مطعم كوكيز لتختار وجبة رائعة من المأكولات البحرية يقدمها استاف المطعم الفلبينيين بطريقة أمريكية نيويوركية صرفة غيييير غيير ،من ثم تحتسي كوبا من الكبتشينو بالكريم مع قطعة حلوى في احد مقاهيه المنتشرة هنا وهناك وتستمتع بكل رشفة منه ومنه تتابع أخبار موقعك المفضل من خلال البوكت بي سي ، ومن ثم تحجز لفلمك المفضل
لتتابع بطلك المفضل في أحدث أفلامه وعلى الساعة 12 ونصف أنت راكب سيارتك وراجع وقد غيرت روتين اسبوعي بشكل غيير غيير ياجماعة الخير..

طويل العمر وإنتي طويلة العمر شو برنامجكم لنهاية اسبوع مكللة بالتغير الكلي لروتين ممل لأسبوع أفل؟؟
عموما الظاهر السيارة حرت استودعكم الله واراكم تالي ليل ورانا سهرة طويييييييييييلة بحول الله وقوته..

مع السلامة

5 thoughts on “كيف تقضي عطلة نهاية أسبوع رائعة بعيداَ عن الروتين في سويعات؟؟”

  1. برناامجك بنسبة لك وايد حلو …لكن انا بنسبة لي لا طبعا ^_^

    بس لووول .. نسيت شي انت .. نسييت الجااهي المغربي يوم نشربه انا وانت ^_^ الصرااحة رهييب ..

    ………….

    اما بالنسبة لي انا ^_^

    …………

    طبعا بكون موااعد اصدقااء العمل او احد من ربعنا . وبنطلع الساعة 8 نتمشى … بالسيااارة .. بجميرا .. او الممزر … وبعدين مرااات نرووح نحجز فلم … تقريبا الساعة ممم 10 .. وخاصة انا احب الافلام الاكشن والرعب … وخاصة في الاساابيع اليااية . بتكوون افلااااااااااااااام ولا اروع … او مراات اروح العب بولينغ … .. فمثلن اليوم
    ……..
    طلعت من البيت السااعة 8 خطفت على اقرب مسجد وصليت .. وبعديين اتصلت حق ربعي .. كانو يالسين عند الممزر … ^___^ سرت صوبهم يلسنا سوالف وعلووم .. وتمشيناا بالسيارة .. وبعديين رحناا امارات مول .. العب بولينغ عاد .. كل مره انهزم وانا الحبيب داش .. اوني بهزمكم ونتفق العزيمة على الخاسر ^_^ فدوة لأصدقاء … ممم وبعديين اتصلي صديقي واعتبره اعز واقرب صديق لي وكيل نيابة … ها دولار وين انت .. قلت له بامارات مول .. يالله بيي صوبكم قلت له طالعيين بنسير فيستفااال .. بنشوف فلم وبحجز لك .. قال شوفو .. اللي يوصل اول واحد يحجز حق الثاني ^_^ دشينا فلم ذا فااست & فيوووريس .. فلم السيارات.. طبعا هو اجزااء .. اللي ماشاف الاجزاء السابقة .. ماعتقد بيفهم شي ^___^ عقب ماخلصنا .. طبعا اكلتي المفضلة سبغتي سرنا قسم المطااعم وتعشينا سوالف وعلوم ربعي روحو تمينا انا وصديقي وكيل نيابة نتمشى سوالف وعلووم ^_^ .. طبعا نحن متفقين سيرة العمل مانييبهاا بالسوالف .. شوي نبى ننسى امور الشغل … وبعدين رجعنا البيت ….
    الصراحة السيرة ويا الصديق ولا احلى ^_^
    ……..
    ولنا لقاء ان شاء الله غدا مع برناامج وروتين اخر
    …….
    ترقبوا

  2. طبعا اليوم كان غير شكل قضيته في الامارات مول من الساعة 10 الصبح وتوني واصله اتسوقنا واتمشينا واستانسا واحلى شي اتغدينا في مطعم حاتم افففففف اتخبلللللللللل على أكله كلنا لين ما اندحقنا

  3. ظهرت عقب الصلاة مباشرة

    اتغديت في حتا في الوادي

    الصغارية سبحو في الوادي وصادو ضفادع

    والعصر سرنا البداير يلسنا بعيد انشوف الظرب

    صلينا المغرب ورجعنا

  4. عطلة سعيدة وممتعه مع حنيفوه وقراراته والبروكتات والمشاريع والواجبات والامتحانات

    _____________

    عطلة سعيدة للجميع ان شاء الله

  5. انا الصراحه .. بقضي عطلة نهاية الاسبوع مجابل الأوراق والكمبيوتر .. عندي ستين الف شغله

    اتمنى لك وللجميع .. عطلة نهاية اسبوع سعيده وممتعه

    تروح وترجع بالسلامه ان شاء الله

Comments are closed.