السلام عليكم
كيف الحال اعزائي
انا مشكلتي من يومين اشتريت عطر من مركز برجمان من محل معروووف وراقي واخذيته بقيمة 725 والي هو عطر كريد
وللاسف اكتشفت ان العطر ريحته ما تعلق بالثياب يعني تجلس ساعه او ساعتين والريحة تروح
مع ان هاا العطر معروف بريحته الثابته
وللحين مش عارف شو اسوي كلمهتم في المجل قالوا لي تعالي وبنرش رشه على الكلنكس وبننطر لليوم الثاني ؟
المهمم حبيت اخذ رايكم شو اقدر اسوي لاني مقهور منهم !؟!؟
وتسلمون
هلا ادخلو ا قسم البيع والشراء
الشباب يبيعون عطور فرنسية تعبئة
اهااااااا بس وين نحصل هايي المحلات المضمونة شرات الاصلية ؟؟؟
ما عليك من الغالي يا خوي لأن في الإمارات السوق حر يعني ما في شي إسمه إحتكار إنتهى زمن إحتكار البضاعة، أنا مثلاً سرت قبل شهر تقريباً باريس غاليري في العين مول وسألتهم على عطر معين وكان سعره 620 درهم بس ما خذته سرت دايركت صوب محل كيرجي بعد في العين مول وخذته من عندهم بسعر 280 درهم، المهم شريته من كيرجي خلاف سرت باريس غاليري بعد كم يوم وخليت أختي ترمس الحرمه عسب ما تشوفني وأنا ركضت صوب مكان العطر وشفت الأرقام التسلسلية إلي تحت الغرشة وطلع نفس الأرقام وظهرت مالي العطر من الشنطة وقلت لها ممكن تتأكدين إذا هذا العطر أصلي أو لا لأني شريته من محل فلان لفلاني ( طبعاً ألفت لها إسم ) ويوم شافته وما أدري شو سوت بالكمبيوتر قالت نعم العطر أصلي 100 % ومن عقبها فهمت الطبخة عدل، باريس غاليري وبعض المحلات العودة ترفع الأسعار لأن الإيجارات عندهم عالية فيعوضونه في سعر هالعطور، سير دور لك على محل صغير وبتشوف الأسعار كيف تختلف وبشكل ملحوظ بس سير محلات تبيع عطور أصلية هب تقليد وإنت والخير رباعة .
.
المشكله شي من العطوور ريحتها مب لهناك واللي رافع العطر هو الاسم فقط …
انا قبل كنت كلّه آخذ عطووري من باريس جاليري ومن أريج .. او المحلات الكبرى ..
بس بصراحه قلت حق شوو الخسر …
عرفت محل يبيع العطور الاصلية 100 % وبأقل بواااااااااااااااااااااااااااااااااااااااااااااااا ااااااااااااايد
شي من العطوور في باريس جاليري ب 500 درهم … أحصلها برّع ب 250 درهم او 300 درهم …
والعطر اصلي مب مغشووش …
المشكله في بعض المحلات يضربون السعر عسب اسم المحل ..
الله يعينك
صراحة صار الغش في كل شئ