كيف نتعامل مع الفضولي أو البخيل او في العمل او الدراسة ؟
مرحبا شخباركم … موضوعي اولا يهدف الى الراحة النفسية في العمل لانه لو انت مرتاح نفسيا مع المجموعة اللي تعمل معاك ..بتقدر تنتج و بتحب شغلك او دراستك ..
طبعا من خلال الدراسة و العمل و الدورات تصادف اشكال و الوان ..
و منهم الفضولي
يعني اللي يتدخل في شؤون غيرة … هذا قال و هذا ليش طلع اجازة .. و ليش ترقى فلان ونا ما رقوني … و فلان اشترى سياره يديده .. و فلان .. طلق حرمته … و فلان كندورته ماعرف شو فيها .. يعني .. يزر عمره في كل شي ….
ومنهم البخيل …
الي عفان الله عمره ما ياب شي الدوام … بس يحب ياكل و يستخدم اشياء الاخرين …و لا يشارك في لي فيه فيه دفع فلوس حتى لو 50 درهم …
ومنهم .. راعي الخس و الدس ..
و هذا اللي يسوي كل شي يالدس يخاف من الحسد اونة … حتى الاشياء الطبيعية الي من حق كل موظف حتى الاجازة السنوية يقدمها بالدس ..و شهادة الراتب يطلبها بسرية تامة مع هالاشياء عادية ..
كيف اخواتي اخواني نقدر نتعامل .وهل صادفتوا مثل . هالشخصيات اللي الصراحه تقهرني في الدوام …
.
عندي لك انتقاد برايك وسمحلي
(وقضو حوائجكم بالكتمان )
علشان نفرق الواحد اذا بيسوي شي بالخش والدس ساعات هالشي يكون مطلوب في بعض الحالات الا اذا كان هالشخص مبالغ بزياده وفيه منهم فيهم طبيعه يكون الكتمان اكثر ما انهم يلعلعون بسوي وبسوي اما هذا الي فيه اطراب شخصيه وتوتر بداخله على كل شي بيحسدونه الله يعينه على نفسه
شغله ثانيه الانسان الفضولي لو كان بيتخبر عني باشياء مالها لزمه الافضل تقولها بويه كاش وباسلوب حلو وتخبره انك من هالنوع الي ما يحب الشخص الفضولي ( عن نفسي استخدم هالطريقه )
والسموحه
هالسوالف سوالف حريم؟؟
ما احيدك اتداوم ويا حريم
ليكون غيرت شغلك من ورانا ^_^
يا اخوي لا تلوموا الناس اذا خافوا من الحسد
لان الرسول صلى الله عليه و سلم يقول نصف قبوركم من عيونكم و الحسد يخوف الصراحة….مع ان تصرفات مبالغ فيها جدا و مرت علي ….كل امورهم حتى العادية جدا يقضونها بالخش و الدس!!!!!!!
شوف امي تقول الفضولي اي سؤال يسالكم اياه قولوا له كلمتين ما اعرف و ما ادري و فكوا عماركم …
لان لو جاوبت جوابك هذا بيجر معاه سؤال ثاني و الكلام ما بيخلص فمن البداية لا تعطيه مجال