البارحه الكل كان يحتفل في دوامه بالعيد الوطني
وأنا احتفلت بطريقتي البسيطه
هذي صورة الكيكه اللي طلبتها لكل الموظفين .. مديري وايد استانس على الكيك
والمدرا كانو يتحرون الكيك ياي من اللجنة العليا بس علشان الحركه اللي على كل قطعة كيك
وهذي الشيله اللي سويتها بمناسبة العيد الوطني من تصميمي
ونسيت اصورلكم المكتب بعد التزيين 
أخوي .. في كل مناسبة تمر علينا .. اجهز واحاول اطلع افكار يديده من كيك وتوزيعات وتزيين المكتب وبطاقات ..
وبهذه المناسبة مع اني وايد كنت مشغوله بس قلت لازم اسوي شي ولو بسيط ..
وزعت اكياس فيها بروشات واعلام وبالونات وكابات …إلخ
واتصلت يوم الجمعه في مستر بيكر بس قالولي سوري ما نقدر نوصل الطلبيه لأن جدولهم فل ..
ورحت اتصلت في قيصر وقلت لهم على الفكره وقالو مب مشكله تعالي ويبي الصورة ..
بس يوم رحت وقلت لهم على الفكره قالولي سوري نحن ما نطبع الصوره على كل قطعة كيك .. عاد هنيه تضاربت وياهم وقلتلهم انا ضاربه خط من ديره لبر دبي “على اساس هم اقرب لدوامي” وانتو قلتولي قبل بالتلفون ممكن تسونها .. المهم سالفه طويله وعريضه لين ما قالو اوكي
والحمد لله طلعت الفكره حلوه
آمين يارب العالمين
اختي ليش ماتداومين عندنا
ماشاء الله عليج متعبلة ويايببة كيك
اختي وين شارتنة هذا الكيك ؟
حلوة ماشاءالله ربي ايدومها من فرحة
كلك ذوق أخوي
..