.
.
السلاام عليكم ورحمه الله وبركاته
M6 عنابيه .. موديييييل 2006 .. ضمانها انتهى ! .. بس يتجدد طبعا
تصنيع 2006 .. آخر دفعه فـ 2006 .. إلي فيها نفس مواصفات الـ 2007 بالضبط
استعمال نظيييف .. فيه زلغ بسيط فالباب .. ومايبين إلا إذا ركزت .. وعندي ورقه تبديل باب كامل فالوكاله إذا تحسون ان الزلغ يبين ..
الموتر عنابي .. ومن داخل عنابي .. كاربون فايبر من فوق .. ومن داخل ..
ماشيه بالضبط .. 30 ألف .. يعني ولا شي..
الموتر شغال بالبصمه .. وو للي مايعرف شي عنها .. هي 10 سلندر .. وو 507 حصان ..
قير F1 .. تبترونك ! .. طبعا جلد من داخل ..
استمارتها تنتهي شهر 7-2009
الموتر قوي قوي ماشالله .. ونظييف ..
وتجييكاته فالوكاله أول بأول ..
عليه عازل تيتانيوم .. 20% اسود .. وطالع رووعه عالموتر ..
ووالله لو مب الدراسه بالخارج .. مابعت الموتر ! .. لأن لين الحين ماتهنيت فيه ..
عالعمووم ..
الموتر عليه اقساط ! .. وباقي من اقساطه حول ال180 ! ..
لحد يسألني كم فـ خاطرك .. لأن السعر إلي فـ بالي فوووق وايد ! ..
ابي ابيعه لأعلى سعر .. واللي بيسوم يسوم سومه عدله ! .. مب سعر كروزرات !!!
السومه فوق الـ 150 ألف
إذا جاب سعر حلو .. بعته.. ماجاب !!!! .. شحنته وياي برى .. لأني الحمدلله مب محتاج الفلوس ..بس الموتر صاف .. وحرام اخليه !
واللي له خاطر فيه .. يكلمني .. < واتمنى يكون جاد طبعا
وهذي هي الصور
الموتر موجود فـ معرض هاي كلاس في قطر..
والله يكتب إلي فيه الخير ..
فووووووووووووووووووووق
الله لايهينك عالمروور .. من طيب اصلك يالغالي ..
والله يووفق الجمييييع .. ويعطيك ألف عافيه …
———————————
الموتر واصل اليوم .. 185 قبل الفحص .. وان شاء الله ينفحص بكره ..
وفي واحد ينتظر .. إذا الموتر ماراح .. بياخذه بـ 180 ..
حد يزيد ؟
عجبنى اسلوب عرضك للسيارة
الله يوفقك
والله هو يعتمد عالكورفت ياخوي ..
الكورفت 505 حصان ! ..
وانا مب مال سباق يالغالي ..
بس اخبر واحد من الجماعه عنده كورفت .. ويقول ان الM6 طافته ! ..
يعتمد عالكورفت .. وعالبي ام فـ نفس الوقت ..
كل واحد وسواقته وعزمه!
ترى حتى الـ Zr1 تطوف الـ SLR ..
P=
بس للي اعرفه بخصوص السياره .. انها اقوى من الـكورفت ..
ما عليه كلام الصراحة بس الكورفت zo6 ييطوفه صح ؟؟؟