السلام عليكم و رحمه الله و بركاته ..
اخوانيه انا ناوي على التندرا ان شالله بس بغيت اسأل كمن سؤال
1-شو افضل نوع فلتر ؟ afe – trd – k&n واذا في نوع افضل شو هو ؟ الصراحه انا مليت من الk&n ما اشوفه يسوي شي و سمعت انه هب لي هناك و في افضل بوايد بس ابا اعرف شو الافضل
2-و بالنسبه للهدرز .. ابا اركب شي مرتب يعطي حس و هورس بور محترم
شو افضل نوع و وين اروم اركبه ؟
3- تسكيرة الكريل وين يبيعونها ؟
4- ابا مدعميه مالت الشرطه وين اروم احصلها ؟
5- ابا ابدل الليتات على شكل دائري (يعني يكونن زينون و بشكل مدور شرات الاكس فايف ) مادري اذا شايفينهن على التندرا بس انا شايفنهن على كذا وحده
6- ابا اسوي فتحه فالبونيت بس ما ابا اخبقه لو بحصل قطه جاهزه ولا بونيت كامل جاهز
و فالاخير ما ابا اطلب من امريكا لانها الصراحه شغله و عوار راس و ما اضمن الشي يوصلني على كيف ما انا اباه ابا اماكن موجوده فالبلاد و يفضل في دبي او الشارجه
وين اصحاب التندرا ؟ ما قلتولنا عن افضل نوع اكزوز و فلتر
تسسسلم يا خويه و ما تقصر
اغلب القطع الي تبغيها تحصلها في الشارقه بعد صحارى في محل اسمه الدوحه انا تعاملة معه وصراحه شغله مضبوط واخلاقه تمام عنده تسكيرة الكرير و المدعميات و (الانجل اي) الليتات وبعد دام انت بتركب ركب الليت الخلفي مال الباب ب 200 اما البونيت لازم تفصيل صراحه انا حق موتري حصلت وغالي وما يستاهل ما انصحك لانه لازم تصبغه وبعدين ينبان انه مصبوغ جنه مدعوم وبخصوص الفلتر والاكزوز الشباب يفيدونك وانا اتذكر الخيال في دبي يركب فلاتر
المدعميه 600
الكريره طربال 800 وفايبر 2500
الليتات ما اعرف وان شاء الله باجي الشباب بيفيدونك
بانتضار اصحاب الخبره
موفق بإذن الله … لك مني أجمل تحية .