لأصحاب الجي تي r35 ….

21 thoughts on “لأصحاب الجي تي r35 ….”

1. سفايف بــ 24 ألف
   كرم الله الكورفيت

2. السيارة فعلا ما عليها كلام من كل النواحي..كانت عندي وحده وبعتها من فترة قريبة

3. سبحان الله وبحمده , سبحان الله العظيم

4. تسلمون اخواني على الردود والتفاعل.
   جزاكم الله خير.

   في انتظار المزيد من الآراء والردود.

5. قبل لا أبدء.. بخبرك أخويه ..
   معروف انه اللي ياخذ سبورت .. شخص يحب التبديل..
   يعني.. هب شرط مشاكل في السيارة..
   يعني الواحد يحب يبدل سيارته خاصه هـ السبورررت .. يجربووون كذا سيارة ..

   وبعدين لا تنسى .. الناس عفدوا على الجي تي آر .. وهم مايعرفون شي عن السيارات..
   بس قالوا جي تي .. جي تي ..
   وبـ شكل عام كل السيارات الرياضيه متعبه للي مايعرف لها ..
   وعلى فكره أحلى مافي السيارات السبورت .. يلسة الكراسـي.. لازم تيبس الظهر ولا ماستوت سبورت ..
   ولازمـ الريس يثقل ولا ماكانت سبورت .. والخ ….
   وبعدين .. لو مهما كانت السيارة daily use هب معناه انكـ تكدها يومياً..
   يعني اكشخ في آخر الاسبوع والمناسبات .. طبعاً تكون عندك سيارة تكشخ بها طول الاسبوع.. يعني عمليه فخمة شوي
   هب شرات اللي ياخذلكـ سبورت عنده 4 سلندر ويحن .. ومن ياخذ السيارة يعووف الجديمه .. ويستحي يركبهـا!!

   أنا من محبي.. ومعجبي الـ نيسان GTR-R35**
   وفعلاً أفكـر بـ وحده .. ودورت لين الحين مالقيت ..
   لقيــت وحده سوده ماشيه 5000 بـ سعر حلو بس مشكلتها سودة ..
   أنا خاطري.. في لون التيتانيومـ ولا الابـيض.. واللي عنده لا يبخل ..

   بعدين السيارة مضمونها .. على ضمان الوكاله ..
   وأازيدكم من الشعر بيت .. ترى اللنش كنترول لا يشل الضمان ولا شي ..
   وعادي تستخدمونه .. وتبديل آيلها في الوكاله بـ 3400 درهمـ مع التشييك .. وأقل بـ شوي .. (حسب كلام ريال راعي جي تي آر )
   بس.. يوم انكـ بـ تشييك كل 10 ولا كل 15 ألـف .. لا تحاتـي…
   بعدين .. إذا تبا تتمز .. لازم تدفع .. ولا كل من هب ودب بياخذهــا..

   بـ خصوص الصيانه ..
   واللي يقول السفايف غاليه وغاليه ..
   ياجماعه ..
   ترى نوعية سفايف الـ جي تي آر .. والموزراتـي.. وكذا نوع من السيارات..
   اسمهــا .. brimpo شي جـي..
   وهاي الشركه معروفه ولها موقع على النت وكبار لشكات متعاقده معاها..
   يعني الحين .. سفايف الموزراتـي والجي تي آر وحتى الرنج .. هب سفايف وكاله.. سفايف شركة أخرى (أقوى عن الوكاله)
   وصح سفايفهـا.. غاليه .. بس تسوى .. أقوى وتعمر عندكمـ أكثر.. يعني نادر ماتبدلهـا.. من تاخذ السيارة .. وتمشيكـ وااااااايد …
   يعني شرات السيراميكـ من وكاله البورش .. بـ 25 ألف !! وهذي أرخص عن البورش ..
   ولو مر ولا سمعتوا.. الشباب يركبون سفايف المانيه على الاستيشن لكزس بـ 18 ألف .. تراهن هذيله هن “بريمبو” فـ هل يعقل انكمـ تسترخصونها على اللكزس وتستغلونها على الجي تي آر ..

   *صح اني ناوي آخذ جي تي آر .. بس الحق ينقال..
   الموزراتـي الكوبـي أفخم وأروع .. ثم الـ توربو ومن ثم الجي تي آر ..

   الموزراتـي.. أبا آخذه .. بس ما روم له .. لاني أبا الـ S واباه بو كت .. وسعره 569 ألـف.. بدون تأمين .. (سعر اليوم من الوكاله)

   التوربـو 911 …. طـر ماشاء الله وروعه وعملي وسبورتـي .. بس مشكلته انه بيتغيير على آخر هـ السنه .. بينزل الشكل اليديد .. متغير كامل .. وصوره موجوده في النت ..

   فـ مالنا حل.. غير ناخذ ..
   الجي تي آر.. أرخص وأقوى ..هههههه وشكله ما بيتغيير..

   فـ ما كان .. إلا اني اختار الوحش اليابانــي..
   GTR-R35

Comments are closed.