لأصحاب الخبرة في النياسين و تواير ال 900

5 thoughts on “لأصحاب الخبرة في النياسين و تواير ال 900”

1. ياخوي انا عندي فتك

   ومبركب تسعميات فيهن رقله على سرعه 120

   لازم تركب رنقات اصليه عشان ماترقل

   وانا مركب من 3 اشهور تقريبا والحين ان شاءالله بابطل التسعميات

   هب ثابته في الخط وبدي النيسان بشكل عام خفيف وايد

   وانا قبل امس دخلت على دوار اشوي فيها ماي مانتبهت بس ربك سلم زين مانجلبت

   وانا بابطل التسعميات بركبله مشيلان احلى وشكل التواير اكبار واثبت وضمان سنتين

   تبا نصيحتي

   ركب ميشلان وغير طيات الوكاله وركب طيات نيسان 97 الموتر اشوي بينزل وكاااااله محد بيرمسك

   الطيات في الوكاله على 1000 درهم للربعه

   وسموحه منك

2. يستحب أنهن يكونن أصليات,, وتحصلهن ف الوكاله,,
   طبعا 900 أحسن ف الرمله,,
   السرعه تفرق شي بسيط, يعني إذا كانت السحبيه المسموحة 140 انته أمشى 133 أو 134 بالتحديد

3. إخواني الفنان و راعي الجي..

   تسلمون على هالمعلومات..

4. صباح الخير..

   شباب عندي كذا استفسار بخصوص تركيب تواير ال 900 على نيسان سوبر سفاري 2008..

   1- أبا أركب تواير ال 900 على رنقات 2003.. لازم تكون رنقات ال 2003 أصليات؟ و لا عادي تجاريات؟ و وين أحصلهن؟

   الاصليات طبعا وموجودات في صناعية الشارقة

   2- سمعت أنه في تواير بأسيام و بدون أسيام.. شو الفرق؟

   واسيام مب في التاير اسمهن اسيام تاير

   3- إذا ما حبيت أركب تواير ال 900, شو موجود من تواير لهن نفس شكل ال 900 بس أصغر؟ أنا سمعت شي تواير شاهين و تواير ميتشلان.. (يعني التاير بكبره أسود و بدون الكتبة البيضة)..

   ركب مشلن بايلوت

   4- أنا من النوع الي أضرب خط إسبوعيا, و ما أبا أحس بأي رقلة فالموتر.. هالشي ممكن؟ و لا الرقلة لازم على تواير ال 900؟

   شي بسيط اذا الميزانيه مظبوطه

   5- كم تختلف سرعة القيج عن السرعة الحقيقة؟ يعني إذا شارع السرعة فيه 140 كم لازم أسوق؟

   تقريبا ١٢ زياده في الخط

   6- وين أحسن حق الرملة.. تواير ال 900 و لا تواير الوكالة؟

   ٩٠٠ في التقطيع زينه لاكن ضرب عرقوب لا

   شكرا مقدما على ردودكم..

   اذا ركبت ٩٠٠ سو هذي الخطوات
   ركب نوع اسمه اسيام تاير ٨ بلي
   ركب التواير بدون ميزانيه وهواهم ٦٠ لمده يومين بعدين سو لهن ميزانيه عند عبد الرزاق في الشارقة هذا رقم تيلفونه ٠٥٠٦٣٣١٩٩٨

5. صباح الخير..

   شباب عندي كذا استفسار بخصوص تركيب تواير ال 900 على نيسان سوبر سفاري 2008..

   1- أبا أركب تواير ال 900 على رنقات 2003.. لازم تكون رنقات ال 2003 أصليات؟ و لا عادي تجاريات؟ و وين أحصلهن؟

   لا هب لازم رنقات اصليات بس يفضل الاصلي واتحصلهن في محلات بيع التواير والرنقات على حسب انت من سكان اي امارة

   2- سمعت أنه في تواير بأسيام و بدون أسيام.. شو الفرق؟

   شي تواير اسمهن اسيام هذيله فيهن اسيام وشي النوع الثاني اللي اسمهن دنلوب بس السيام نقشتها اطول أكثر.

   3- إذا ما حبيت أركب تواير ال 900, شو موجود من تواير لهن نفس شكل ال 900 بس أصغر؟ أنا سمعت شي تواير شاهين و تواير ميتشلان.. (يعني التاير بكبره أسود و بدون الكتبة البيضة)..

   ماشي تواير يشبهن الـ 900 بس شي تواير بكبرهن سود وانا افضلهن عن الـ 900… يعني الميشلان الأمريكي سواء كان قياس 16 او 17 أفضل بواااااااااايد للخطوط عن الـ900

   4- أنا من النوع الي أضرب خط إسبوعيا, و ما أبا أحس بأي رقلة فالموتر.. هالشي ممكن؟ و لا الرقلة لازم على تواير ال 900؟

   الرقله لابد منها اذا مركب 900 بس اتروح يوم يحر التاير يعني يوم تمشي في السياره عقب اتروح

   5- كم تختلف سرعة القيج عن السرعة الحقيقة؟ يعني إذا شارع السرعة فيه 140 كم لازم أسوق؟

   والله بالضبط ما اعرف بس هب وايد

   6- وين أحسن حق الرملة.. تواير ال 900 و لا تواير الوكالة؟

   انا عن نفسي استعمل الميشلان حق كل ( رمله و شارع ) عاد كل واحد وسواقته

   شكرا مقدما على ردودكم..

   ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــ

Comments are closed.