السلام عليكم..

يا جماعة الخير أنا عندي

جيب رانجلر موديل 2000

الموتر 4 سلندر ومكينته 2.5

مشكلة الموتر مافيه عزم.. ويبغيله وقت من الصفر لين ال 80 ..

أنا بغيت أعدله حق الموسم بس يكون التعديل بسيط وما يكلف وايد..

محد يقولي ما ينفع.. لأني أصلا ماريده حق تصعيد و عراقيب وو وو وو و الخ

أنا أريده حق طلعات البر والكشتات..

1) ياريت حد يفيدني بتزويد يزيد من عزم الموتر ويقويه شوي..

2) ووين المكان إللي ممكن أركب فيه ها الشغلات؟؟

3) بما انته الموتر 4 سلندر، ينفع أركب عليه electrical winch الونج الكهربائي (يسحب 900 كلغ تقريبا)؟؟

4) بغيت أركبله تواير للبر.. فبأي نوع تنصحون؟

5) ولو فيه مكان ممكن يرتبلي الموتر ويضبطلي إياه كامل بسعر حلو ياريت ما تبخلون علي ..

أنتظر إفادتكم.. ومشكورين مقدما..

9 thoughts on “لأصحاب الخبرة: Jeep wrangler modification”

  1. عندي جيب رانجلر موذيل 2007
    وين احسن مكان للتزويد

    شكل ومكينه

    محل رامي الي فى دبي ,,,,اختصاصهم تزويد الجيبات رانجلر والشروكي

    وكل شي عندهم من البراغي اليين البدي كت والمكاين والسوبر

    بس مشكلتهم ان اسعارهم غالية حبتين

    يعني انصحكم جميعا انت وصاحب الموضوع انكم تاخذون فكرة منهم وخلهم يقولولكم شو الي تحتاجونه بالضبط وبعدين اذا حسيتو ان اسعارهم غالية اطلبو السامان انتو من برع

    بس هم عندهم كل شي يخص الجيب ,,الدفريشنات الهفديوتي والجابينات

    واذا تبون كراج فنان وخطير سيرو عند كراج الكويتي فى دبي 0506530979

    اي استفسار حااااااااااااضرين يالطيبين

  3. مثل ما قالوا الشباب عق مكينة ال4 وحط لك ال6

    و يا شباب ان ادور رنقات للجيب موديل 2006 ومب محصل في حد عنده ويبا يبيعهم

  4. السلام عليكم ورحمة الله وبركاته

    حبيب قلبي مايبالك وايد لاتزويد ولا شي روح عق المكينه ال ٤ سلندر مالك وركب بدالها مكينة جيب ٩٩ ولا ٢٠٠٠ ولا ٢٠٠١ كلهن نفس الشي ٦ سلندر ب 1900 درهم وماتكلفك شي وتركب على طول فت للجير واشتر لك ويا المكينه كمبيوتر مالها وروح انت والخير رباعه تركيب وشغل يومين فالقراج سكراب هيوستن فالشارجه عنده لي تبغيه

    مثل ماقال اخونا

    المكينه هاي ماتنفع وبدلها بوحده 6 سلندر 4.0 لتر وبتحصلها من 1500 الى 2300 تقريبا ومكودات فى صناعية الشارجه

    وركب هدرز كامل مع فلتر محترم وبدل البلاكات وحط مال ريس وحط وايرات سبليت فاير بو ثلاث روس

    والوايرات مع البلاكات سعرهم تقريبا 500 درهم +وسعر الفلتر والهدرز يعتمد على حسب النوع الي بتركبه

    وها الشغل خفيف وغير مكلف بس بيعطيك نتيجه وفرق كبيير جدااا

    يعني يبالك مال 6000 تقريبا

    بالتوفيج

Comments are closed.