السلام عليكم ورحمة الله وبركاته ….

عندي مشكلة في موتري الفتك .. تظهر لي رقلة من سرعة 100 ألين 120 ومن عقب تختفي .. وديتها كذا مرة عند محلات التواير (Emarat – Tyre Express) و السركال وسويتله ميزانية تواير وبدلت أماكنهن … في البداية تكون الرقلة مختفية ومن عقب تظهر

بس الريال اللي في Emarat – Tyre Express قال لي بأنه هناك قطعة تتركب عند الجامبينات وأنها بتحل لي المشكلة؟؟؟

فبغيت أتأكد من هذي المعلومة .. وياريت الشباب اللي عندهم خبرة في هذا الشيء ما يبخلوووون علينا ويدلونا على المحلات والورش اللي ممكن أروح لهم ويضبطون لي إياه … في بوظبي أو الشارجه … وكم بيكلف $$$ وكم الوقت اللي بياخذونه حق التضبيط

أدري بكم ما بتقصروووووون وياي

أخوكــــــــــــــــــــــــم …… طـارقـــــــــــــــــــــــ

9 thoughts on “لأصحاب الفتك …. بغينــــــا مشــــــــــورتكم”

  3. هلا اخوي بخصوص الرقله فالفتك من 100 لين 120 هذا موضوع طبيعي انا موتر 2009 من اول ماظهرته من الوكاله وانا قابظ الخط ساير البيت يرقل الموتر ودخلته الوكاله واحتشرت عليهم ولا سو شي ميزانيه وتوكل

    في حل ماعرف لو يفيد ولالا غيير الرووود جانبيين حط واحد كبير اصلي وحط تواير مشلن وانشاء الله تخووز الرقله بالنسبه للاحسن محل رزاق معروووف الي فشارجه ورا أصباغ ناشونال الي تحت جسر ناشونل اسم المحل ايفين سرله وانشاء الله يفييدك اخوي وبالتوفييج

  4. مرحبا اخوي اول شي شو نوع التواير اللي مركبنها وهل الرنقات اصليه؟
    وبعدين انته مبدل الرنقات ولا التواير ومتى يتك الرقله؟
    وان شاء الله بفيدك

  5. شو نوع التواير ؟؟؟ اذا 900 … الرقله هاي عادي تحصلها في كل موتر عليه 900 .. و يبالك اتسوي ميزانيه بين فتره و فتره ..

Comments are closed.