السلام عليكم والرحمه.
بغيت أعرف راي الشباب في ال toyota fj cruiser 2010 و ال nissan xterra 2010؟
ايهما أفضل في الشارع (خط و مدينه) والطرقات الوعره (بر) والاستعمال من ناحية العمليه؟
وكيف صرفية البترول و الجوده؟
مع العلم , سعر ال fj فل ب 130 وال xterra فل مع offroad package ب 115 .
الاكستيرا افضل عن ال fj من ناحية عدد الابواب لانها فيها ابواب للركاب الي ورا ومن ناحية السعر.
وما عرف ال fj 2010 شو فيها يديد؟
بانتظار آرائكم وتجاربكم.
الافجي صندوق مثل ماقال اخوي نيسان وشكلها مب متناسق الصراحه يعني اذا بنتكلم عن الشكل تراها مب احسن عن الاكس تيرا , مثلا لون الاف جي رصاصي والصقف ابيض والبمبر اسود ؟ انا ماعرف على شو الشعب طايحين فيها
اخوي تاجر كيف الاف جي 6 غيار ؟ انته قصدك القير عادي لأن التماتيك 5 غيار وانا اتفق وياك ان الار بي ام مريح بس انا اعرف اكثر عن واحد يستعملونها بشكل يومي وقالو انها تصرف وشباب عدهم الباثفايندر اليديد وصرفيته وااايد احسن وماشاء الله من 2008 عندهم ولا اشتكو من مكيف ولا قير ؟ لا يخلط ولا شي
الطيب لا تقارن الاف جيه بالاكسترا اذا تبا اتقارن قارن الاكسترا مع الفوجنر لان النيسان ما انتج لين الحين سياره بنفس فئة الاف جيه
….. اما الاكسترا سيارة عائليعه فقط
الاف جيه سبورت وسياره(يابانيه+امريكيه) ولها اكسسوارات وتزاويد اصليه بلا حدود.
وبعدين السعر 120 مثل ما قلنالك سابقا
سبحان الله وبحمده , سبحان الله العظيم
مشكورين يا شباب على تفاعلكم وردودكم وتفاعلكم الحار.
بالنسبه لقاعدة ان السياره الي منتشره وايد معناها احسن , انا في رايي هذا الكلام خطأ , خاصه في الامارات.
بقولك ليش, التويوتا و الكزز تلقاهن أكثر نوعين منتشرات عندنا في الامارات , لكن تعرف ليش , لان الناس تعودت على ان التويوتا واللكزز سيارات مكده وسيارات قطع غيارهن متوفره ورخيصه اذا بتقارن مع الالماني.
بس مب معنى هذا انه احسن , معناته فقط ان الناس تعودت تشتري الياباني , رغم ان كل سنه الكولتي تنقص في الياباني وأشوفها تزيد في الألماني (وجهة نظر). اظن الكل يعرف عن المشاكل الي طلعت في التويوتا واللكزز.
انا عن نفسي اذا ابا أشتري شي عملي ويفكني من صدعة الخرابات باخذلي ياباني, لكن اذا ابا الهدوء والرساوه و الفن في الصنع , وخاصه اذا كنت من الناس الي يدققون في الصغيره والكبيره , باخذلي الماني لأن الياباني بكرهه في هذي الناحيه.
شي ثاني مسولي ازعاج في الياباني انه غالي ما عرف ليش, اف جي ب 130 ؟؟؟ على شو , صندوق ومكينه وقير , وحتى الاكستيرا مب من زينها , لكن على الاقل ايجابياتها في نظري , الاربع بيبان , القوه , والشكل, والسعر , لني صراحه استخسر ادفع فلوس على الياباني , والي جرب الالماني بيفهم كلامي .
هذا رايي الشخصي وارجو عدم التعصب والانفعال.
وعلى فكره الاكستيرا في أمريكا ماخذه المركز الاول بعدين الجيب رابيكون , بعدين الاف جي واخر شي الهامر h3 . من ناحية العمليه , القوه , ال offroading , الصرفيه , والسعر مقارنه بالمميزات. يعيبها عندنا في الامارات انها مب منتشره مثل الاف جي , يمكن عشان جذه مب معروفه.
ومازلت انتظر المزيد من آرائكم الطيبه.
تبا سياره قويه فالبر والشارع ومايهمك الشكل ؟ خذ الاكس تيرا وعلى طاري مكيف التيوتا احسن ذاك زمان احين خرطي والدليل عدنا موتر 2010 مكيفه والله انه
تبا موتر تفكر تبيعه قبل لاتشتريه لانه تيوتا وبييب لك جيمه ولانه رخيص وكل حد ياخذه ومايهمك الشكل ؟ خذ الاف جي بس مشكلتها حشره من داخل فيها صوت الاقزوز اونه سبورت