السلام عليكم

عندي استفسار لاصحاب الخبرة
1. شو يعني سبورت سسبنشن (sport suspension) وشو فايدته؟؟
2. كيف تعرف اذا سيارتك تحمل هالمواصفات أو لا؟؟

وشكرا

12 thoughts on “لاصحاب الخبرة في اللكزس”

  1. السلام عليكم ورحمة الله وبركاته

    الغالي اذا تطري Lexus Ls430 الوارد ( أمريكي )

    نظام التعليق في اللكزس اييك ثلاث أنواع :

    1- نظام التعليق الهوائي ( Air Suspension ) في اللترا يمتاز أنك ترتاح أكثر في السواقة وتقدر ترفع

    السيارة ( High ) وفي الخط السيارة روحها تنزل عشان الثبات.

    2- نظام الجامبينات ( Sports suspension ) وهذا النظام يمتاز ف الثبات عند المنحنيات و ع الخطوط

    ولاكن مب مريح في المدينة مثل نظام التعليق الهوائي ( Air Suspension ) لانه الجامبينات يابسه Sport.

    3- نظام الجامبينات ( regular suspension ) الجامبينات عادية ولكن السيارة مريحة أكثر من نظام الجامبينات ( Sports suspension ) داخل المدينة.

    نظام الجامبينات ( Sports suspension ) و نظام الجامبينات ( regular suspension ) يعمرن

    أكثر وأعطالهن أقل من نظام ( Air Suspension ) .

    واذا شي فخاطرك فالك طيب . . . . .

    والسموحة الغااااالي

  2. الرابط الاول مب شغال …
    و الرابط الثاني فيه سيارات عارضنها سعود الزعابي … ماشفت الكلمة اللي تقول عنها اخويه

  3. حبيبي اختصرلك الموضوع اذا الزر الي فيه شكل جامبيل
    هذا اذا انت على الخط السريع وانت ما تبي السياره تصير نفس السيارات الامريكيه تترنح فوق وتحت نفس الطراد
    دق الفص وريح عمرك على الخط
    انا عندي لكزس ما فيه هذا النظام والله شارع مصفح بوظبي جني رايح الحداق ههههه
    سلامي

  5. شكرا يالمفنود
    عندي هالزر اللي تقول عليه ومكانه عند الجير
    بس انا حصلت في النت بعض اللكزسات موجود عليها كلمة sport suspension عالمدقار عند خط الكروم غير ان سيارتب مافيها… فليش هالاختلاف.؟؟؟
    شوف هالرابط بنفسك…
    http://www.autotrader.com/fyc/vdp.js…0&cardist=1184

Comments are closed.