لاصحاب المشاريع الصغيرة .. تحملوا لايقصون عليكم العمال .. مثل ما قصوا علي حليلي !!!

21 thoughts on “لاصحاب المشاريع الصغيرة .. تحملوا لايقصون عليكم العمال .. مثل ما قصوا علي حليلي !!!”

1. الله يعوض عليك اخويه . وحقك عند الله ما بيضيع .

   نحنا من طيبتنا نثق في كل الناس بس في الشغل لازم نكون حذرين خاصه وكل هالجنسيات في البلاد .

   نحنا الخدامات ( البشاكير) والسايق نوقعهم على راتبهم كل شهر .

   والله يكون بعون الجميع

2. الله يعوضك ان شاء الله

   وصدقني هالشخص ما بيتوفق بحياته الا اذا تاب ورجع لك يطلب السموحة

   ومشكوووور على النصيحة

   وانا بالنسبة لي الثقة بحدود..

   والمفرووض الواحد ما يعطي العامل أكثر من حقه الا اذا كتشجيع بسيط على خدمة معينه لا أكثر عشان ما يتعود ياخذ فلووس بسبب او بدون سبب..

   والعامل لازم في بعض الاحيان تراويه العين الحمرا عشان يخاف منك ويحترمك بنفس الوقت..

3. حسبي الله ونعم الوكيل

   مادري ليش المواطن مستباح ماله في بلادة مادري يمكن عندهم

   وعاض تغريهم على مال المواطن وتعتبرة غنيمة لهم حسبي الله عليهم

   اخوي انته طبق كل قوانين وزارة العمل بحذافيرها وان شاء الله مايضيع حقك

   وانصحك اخوي انك تسمع سلسلة محاضرات لدكتور طارق السويدان بعنوان (العمل المؤسسي)

   وايد مفيد وبتستفيد منه ان شاء الله

   وعن اختيار العمالة حاول انك تيب ناس خايفة ربها تدور المال الحلال وتشتغل بضمير

   وابتعد عن الجنسية البنغالية الان مشاكلهم اكثر من نفعهم والاحصائيات تثبت كلامي

   وادعي ربك بالتوفيق وتذكر ان لكل حصان كبوة وان شاء الله تعدي محنتك وتنتصر عليهم

   وربي يوفقك ويوفقك جميع اخوانا

4. لا اله الا الله

   كيف بيقدروا يحطوا ايدهم على القران و يحلفوا كذب !!!!!!!!!!!!!!!!!!!!!!!!!!!!!!!

   شو هالناااااس باعوا كل شي !!!!!!!!!!!

   الله يعوضك اضعاااااف اضعااااف و لا تخاف ما دام رب العباد موجود فوق ما راح يضيع حق

5. صدقني ياخوي حقك ما بيضيع

   اعرف ريال, باكستاني سارق عنه حوالي 100 الف وحلفونه في المحكمه حلف الباكستاني ع القران وطلع براءه لانه ماشي دليل المهم الباكستاني ما كمل سنه في ابلاده ورد حق ابوه اربيعي يطلب انه يسامحه تعرف ليش

   لانه الكليتين راحت فيها وطايح بالمستشفيات

   وابو اربيعي ما سامحه

   —

   من اسبوع كنا يالسين في ميلس وكان بيينا متدينين وذكرنا سالفه الحلف بالقران وذكرونا قصص وايد .وصدقني حقك ما بيضيع

   الي يحلف كذب ما يتوفق في حياته ابد

   مال حرام ما يدوم ابد

   انت و دعواتك اخوي دعواتك صدقني بيندم في يوم انه سرق و حلف القرآن !!

   و كلام الشرفي 100% صح

   مواقف تستوي واايد من الي يحلفون كذب

   قالو الكذب حرام محد صدق لول

Comments are closed.