سلام عليكم
اخواني انا معزم اخذ انفنتي fx50واشوفها سياره ولا احلى قوه وفخامه..
لكن مستغرب انها مش مرغوبه بين الشباب ومش منتشره
واستوك المسعود فبوظبي مليان بال2009 ويصفونه على 210 الف من بعد ماكان سعره 260 !
سوال لاصحاب السياره : شو انطباعك عن السياره اداء وراحه وصرفيه.. وهل فيها عيوب مصنعيه او غيره؟؟
شاكر لكم
هيه والله اسأل مجررررررررررررررررب
كفيت ووفيت هذا إلي كنت بقولك إياه ياراعي الموضوع شوفلك موتر غير الانفنتي نصيحة على سبة ماتندم وتخسر دم قلبك بعدين
الخشب إلي على البيبان دوم تتبطل
السياره فيها قوه وعزم
والله يوفقك
ماشاءالله الشباب ماقصرو عطوك ميزاتها وشوي من العيوب …
أنته ظني تعرف ميزاتها ما يحتاي اعطيك اياهن .. لكن بحكم تجربتي لها بعطيك بس العيوب ..
السيارة خذتها من نص شهر 9 2008 لين شهر 11 2009 .. يعني كانت تقريبا ثاني سياره تطلع من الوكاله ..
المهم :
طبعا الوكيل دمراان رايح فعينها .. المسعود طبعا في بوظبي .. مب الشخص نفسه ههه الوكاله يعني
ثاني شي .. المناظر كانت اتغرد (بس بصوت عالي شوي) على سرعة 140-160 ..
السياره كانت تعن واايد .. يعني يوم اباها تنش يبالي احط ريلي لين نص الريس اذا كان قيرها عالي .. هذا من عيب ال 7 قيور
القير باختصار خرطي ما ينفع عليها ابد .. والله يعين اللي بياخذون النيسان اليديد لأنه نفس قيرها
البونيت كان يرقص لين يقول بس .. طبعا من 140 وطالع هههههههه
الكرسي مال المعيون يوم يكون فاضي وانا هب مسرع حتى .. يتم يهتز تقل حد يناقز عليه ههههههههه
التخشيب .. لا تعليق .. تخشيب الإستيشن يعتبر هاي كواليتي بالنسبة للبلاستيك اللي فالإنفنتي
مثبت السرعة الإلكتروني كان شرات اللعبه مره يشتغل ومره لا .. ويوم وديته الوكاله قالولي اونه … مالناش دعوة يا باشا انته يمكن عملت حادس ولا حاجة … ههههههههه يا ريال وكاله فنانه ما قلتلك
المهم نكمل …
تخيل السياره ماكملت سنة .. ويوم أدخل الدوار وألف .. الطبلون يطلع صوت ههههههه يتحرك شوي شوي ..
الجلد طبعا حدث ولا حرج ..
كنت عزابي وقتها يعني ماشي عبي ولا في حرمة دخلت السياره .. والكراسي غدن الله لا يراويك في شهرين .. الجلد كان بيج .. هذا بالنسبه للون .. لكن الكواليتي مال الجلد نفسه بلاستيك مع جلد صناعي ظني خخخخخ تقول جاكيت خان
الظيج طبعا حدث ولا حرج
السياره يابسه عالخطوط مثل ما قالو الشباب طبعا
صرفية البترول عاديه
الرسوم اللي فالشاشه جنها لعبة صينيه .. مقارنة بباقي السيايير يعني
كل الفصوص بلاستيك تعبان هب كواليتي
أبد أبد ماكنت مرتاح لهالسياره
وعقب أعلنت فالمنتدى اني ببيعها
بتلاقي الإعلان طبعا جديم الحين استوى
لكن المفاجأه فالآتي
انا عرضتها يوم توه الناس ماعرضو الانفنتي للبيع .. وقلت على اساس اني بنزل فالسعر وايد عشان افتك ..
شارنها ب 237000
وقلت ببيعها عقب سنه بـ 170000
مالقيت شراي
نزلت 165000
مالقيت …
نزلت 160000
مالقيت
150000
مالقيت ههههههههه
لين بعتها ااخر ب 146000
تخيل في سنه وحده
قلت ماعليه اخسر فيها ولا اني اتم استعملها وانا كاره السياره على الوكاله على المصنع ههههههههه
يالله ان شاءالله اكون عطيتك فكره عن تجربتي ..
وفالنهاية اقولك اذا تفكر فالياباني ترا التيوتا عندك واذا غير عن الياباني ترا الألماني هو التوب وغيره فلا
السموحه على القرقرة الزايدة بس مابغيتك تغلط غلطتيه
يالله حيه
مستغرب من الي يقول ما تنفع حق خطوط!!!
اربيعي يضرببها خطوط كلللللل يوم من دبي لين العين ومن العين لين دبي
ومريحه وحلوه وفنانه و عجيبه