السلام عليكم
شو اقول كل مافر على قناة اشوف مشاكل حروب انقلابات
والله العظيم نفسيتي سارت تعبانة حتى الافلام كلها حروب وقتل
والله هذة كلمة نفسيتي يوم كنت اسمعها اقول شو بعد نفسيتي الحين استويت منهم اللي نفسياتهم تتعب
ملينا والله
ماحب اشوف اغاني حتى القنوات الثانية مثل ديسكفري والوثائقية صارت مملة ومعادة
واذا ماشفت الاخبار تحس عمرك متخلف وهب مهتم بهذة الامور اللي سايرة حوالينا
شو الحل وهل حد منكم عندة نفس الشعور هذا
والله انا توني اعرف منك انه اسمه محمد هههههههه
انا مثل الشباب ما اشوف التلفزيون وايد > والاخبار نادر ما اشوفها
طبعـآ اقضي وقتي > اخلص مشاوير هلي و اشوف شو ناقص فالبيت .. و غير شغلي انا
و اقعد مع اخواني و شويه اتعبث فالبلاك بيري و آخر اليلسه > نلعب كيرم و نختم اليلسه
تقدر تقضي وقتك فـ اشياء وايده ^^
نفس حالتك ياخويه ولكن صعبه الواحد ينقطع عن العالم بس سو مثلي شويه انوع مسلسلات على افلام وثائقيه على برامج علميه وعقب ارد علىا لاخبار بين فتره وفتره اشوف شو اليديد والله المستعان
والله على رمستك يا سعيد تعبنا صراحة من شهر 12 ونحنا مستنفرين وهل الاسبوع داشه سوريا والمغرب
ومثل ما قال الشاعر
من وين ما لفيت .. احصل سياسة …. مليت من كثر الخطب والتصاريح
ورفيقي الي كان راعي وناسه ……… ويحب جمعتنا على هبة الريح
جيته وحصلته مسوي دراسه ……… كم دولة بتبقى وكم دولة اتطيح ؟
خذ لك بلاك بيري وانشر الكود مالك بالمواقع مالت التعارف بواسطة البلاك بيري
واستلم نكت وسوالف تهلك من الضحك
بس عيونك بتروح لان الشاشه صغيره
خخخخخخخخخخخخ
…
انا هالسوالف ما اشوفها من زمان
اقسم بالله اني كنت احسب ان الرئيس المصري السابق اسمه حسني مبارك
لما صارت الازمة بمصر عرفت ان اسمه محمد حسني مبارك
وبالطبع مالحقت اعرف اسمه الا وشلوه
خخخخخخخخخخخخخ