السلام عليكم و رحمه الله و بركاته
ان شاء الله و بالتوفيق من رب العالمين معزمه اظهر لاند كروزر v8 . vxr . 5.7 //2011
بس محتاره من بين وارد الفطيم و وارد البهوان
سمعت انه خدمه الصيانه للفطيم افضل عن البهوان
اما فارق السعر سمعت انه الفطيم اغلا
و شي فرق بالمواصفات قالوا انه البهوان افضل فهل الكلام صحيح ..
..
انا حاطه ف بالي الفطيم لانه اريح قريب ف الصيانه و اذا بسير اطلب من الوكاله ما اظن يتأخرو شرات البهوان لانه البهوان يطلبوا تامين السياره لانه بييبوها بالنوش و خاصه انه ديناتريت لها فرعين ف مصفحه و الشارجه بس الفطيم ف كل الامارات موجود
بعد بغيت اسال اذا تامين الخمس سنوات الي مب محدود الكيلومترات موجود عند البهوان ولا بس ف الفطيم
و بعد سمعت انه اذا خذت سياره دفع رباعي من الفطيم يعطوك تامين سنتين مجاني صح ولا لا.؟
و شو الفرق من بين دفعه الذكرى 60 و دفعه 2011 … شي مواصفات زياده؟؟
و ربي يعطيكم العافيه ^_^ وايد اسال بس لازم قبل لا اخذ اسال عشان ما اتحسر عقب
اختي استخيري الله
والله بيكتب لج الافضل
بالمناسبه الفطيم شغلهم تعبان ..و غالي و مع الواسطة بعد غالي ..
و عادي خذي من البريمي و سوي صيانه ف الفطيم
و لي تجربتين معهم
جيكي على مواضيع وشوفي نادر ماتلقين حد يمدح لج صيانه الفطيم والمواضيع تشهد ومثل ماذكرت البهوان عنده في ند الحمر هب من بعده
بعطيج بعض المعلومات ياختي عن السياره من الفطيم
ضمان 5 سنوات دون تحديد الكيلو
والسيارات الي عليهم تامين تراهم موديلات 2010 فقط
ومن ناحيه الخدمه اختي اشوفها حلوه
انا عن نفسي عندي استيشن لكزس اوديه عندهم ساعه ويخلصولي الشيكنج ماصادفت اوياهم مشاكل وبعدين الفطيم بكل الامارات يعني اريحلج
ومن ناحيه الفطيم نعم اغلى لانه الفطيم ينزل نوع واحد الي هو فول ابشن فقط ومن الناس الي خذوه عن طريقي يمدحلي اياه يقول شيء فرق بينه وبين بهوان وذكرلي الاشياء بس ناسي وانه الفطيم احسن
بعض الموصفات
اختي مري على البريمي والفطيم شوفي شوه الافضل عشان ماظلمج اوياي
وبعدين اختي فئه 60 سنه متوفره فقط بالفطيم
وسعره اختي 296000
بايبلج اياه ب289000
وشيء عندي اللون اليديد سلفر على سماوي اللون على الواقع احلى
واي لون ثاني مستعد اوفرلج اياه اختي
والراي رايج ولج حريه الاختيار اختي
وربي يوفقج اختي بمايحب ويرضى
مادري منوه عاطنج هالمعلومات الغلط يا اختيه افضل بهوان عن الفطيم بمراحل من ناحيه معامله صيانه وكل شيء الفطيم بيحطونج
على راسهم بس لين تدفعين وبعدها بتشوفين كيف معاملتهم وصيانتهم زفته واللي في صيانه اقل مايقال عنهم بقر مايعرفون شيء
لو تودين السياره تجيك تردين بالف مشكله ومشكله , ودينا تريد لها فرع في ند الحمر قراجهم كبيييييير وشغلهم 100على100
ماسمعت ان الفطيم عندهم ضمان 5 سنين ودفعت 60 هي نفسها 2011