السلام عليكم
اشحالكم يالربع عساكم الا بخير
حبيت اخذ شوركم بالاستيشن 5.7 موديل 2011
شو رايكم فيه كسيارة
لاني اضرب خطوط و حبيت اخذ سيارة عائلية لان عندي صالون
اتريا ردودكم الطيبة
و السموحة
28 thoughts on “لاندكروزر 2011 5.7 شو رايكم فيه؟؟”
Comments are closed.
حتى شامبو كلير يمدحونه بعد
انا جربت كلوس أب وبصراحة حسيت براحة ونفس جميل وندمت على استخدام سنسوداين
أنا من جربت الأمريكي حسيت طول السنوات كنت غافي عنه…..مكينه قويه وراحة ووسع وتوفير بترول والصيانة مدى الحياة وعالمي…وين وقفت سيارتك أيونك……شو تبون أكثر بعد…
وبالنسبة للي يقول يطيح نص سعرها…….راحتك اهم وفيه فرق واحد يبى يستعمل ولا يبا يستربح من ورا الموتر!
الغالي عليك باليوكن ولا التاهو….واذا تبى ترتاح اكثر خذ سوبربان..
بالتوفيق
أنا جربت استيشن 2010 مال اخوي .. والله وانا اسوقه اقول ممكن افهم على شو 260 الف ؟
طبعا في اكس ار 4.7
ابرز العيوب الي لاحظتها
– صرفية البترول الي مالها داعي
– عزم السيارة تعباان ( هذي النقطه ماتشمل الـ 5.7 )
– الثبات لك عليه
– البريك عاادي جدا وما يليق بسياره قيمتها 260 الف
مشكله الي عندهم استيشن انهم ماجربو سيارات ثانيه .. علشان جي الاستيشن اليديد يعتبر فنظرهم الاحسن .. لانه احسن من الموديل الي قبله فقط !
الاستيشن سيارة عمليه وتكد .. لكن عيبها الوحيد سعرها المبالغ فيه .. وهذا الي يخليني افضل وايد سيارات عليها وبنفس المواصفات ويمكن احسن بعد !
مشكله ثانيه انا اعتبرها مزعجه
انها كل 5 الاف لازم توديها الوكاله .. احس ( السيارة ) مثل الياهل الي ما يقدر يفارق امه ( الوكاله )
وعلى كل تجييكه تدفع مبلغ وقدرة .. وعلى شو ياحسره .. بدلك ايل وفلتر .. وغسلها واخر شي يقولك 400 ولا 500 !!
على الاقل خلوها 10 الاف
نشوف الجمس والكاديلاك .. التجييكات كل 10 او كل 15 الف
البي ام الحين خلوها كل 25 الف !!
رأيي توفر فلوسك .. وتاخذلك تاهو فل اوبشن ولا سوبربان .. مواصفات احسن .. ضمان مدى الحياه ( شو تبا بعد ) وراحه فالخطوط اكثر ( امرييكي معروف ) ومساحه اكبر
واذا بغيت افخم شوف وكاله الكاديلاك .. مسوين عرض قوووي ضمان 10 سنين او مليون كيلو متر
واهم شي عليك بالاستخارة والله بيوفقك ان شاء الله
صحيح كلام الاخوان اللي قالوا ان الاستيشن القديم 95- 97 من ناحية الصنع افضل عن الجديد بمراحل تحس صانعينه من خاطر ومب اي تصنيع شرات الجديد.