خذت لاندكروزر موديل 2008 وارد السعودية…بيوصل عقب اسبوع لين عشر ايام تقريبا…لونه لؤلؤي وبيج من داخل…GXR ثمانية سلندر ….عالزيرو….DVD خلفي…فتحة…سي دي…بدون تخطيط..ثلاجة..حساسات خلفية..كشافات..الليت العالي زينون..عازل حراري من الوكالة…شدات..الشبك إلي جدام لل VXR يعني الفضي.رقم واحد … ببيعه لأعلى سعر….

19 thoughts on “لاند كروزر 2008 للبيع

  1. بخصوص الضمان اربيعنا ماخذ وارد السعوديه وياب اوراق السياره كامله وياه من عند عبداللطيف جميل وعطاهن الفطيم والضمان ماشي عادي والتشييكات كلها في الفطيم

    فمافي اي فرق في الضمان بين الفطيم والسعودي

    لاتنسى ياخوي تاخذ اوراق سيارتك من عبداللطيف جميل

    وبالتوفيق

  2. مشكورين عالرد والمشاركات الطيبة…السيارة ماعليها كلام لا من استخدام ولا من مواصفات…إلي له خاطر فيها وبسعر يناسبني بتكون انشالله من نصيبه…مع العلم اني انا طالب المخفي العازل والشبك إلي جدام والشدات من الوكالة

  3. شكلك يديد في عالم السيارات

    Gxr سته سلندر فل اوبشن وارد بهوان 192.000 درهم

    يمكن وصلت المعلومة

    Gxr v8 فول اوبشن وارد بهوان 192000

    للتوضيح فقط

  4. وارد سعودي..اكيد عبدالطيف يعني بدون ضمان

    وارد السعودي عبدالطيف كل الاكسسورات مالته تجاري

    لو لك نيه بالبيع اسومه 178 الف درهم

    السلام عليكم

    هذا المداخله للتوضوح فقط لا اكثر

    اخوي العزيز .. التويوتا من دخل السوق ما يحتاي ضمان .. إسمه يضمنه ..

    سالفت الإكسسوارات كلها تجاريه هاي انا اول مره اسمعها .. لعلمك اخوي في سياره في معرض في بوظبي وارد السعوديه .. الفرق بينها و بين سيارات الفطيم وبهوان انه ال 6 سلندر فيها مثبت سرعه بينما اللي هنييييه مافيهن .. ..

    انا كنت متوقع وارد قطر بتكون الافضل من ناحيه المواصفات بس الواضح انه الوارد السعودي افضل

    وبعدين اللي يبا يشتري يعاين السياره في ارض الواقع من توصل البلاد وعقب يحدد بنفسه إذا كانت الإكسسوارات تجاريه او لا .. بالإضافه الى تشييك مواصفات السياره من داخل

  5. شكلك يديد في عالم السيارات

    Gxr سته سلندر فل اوبشن وارد بهوان 192.000 درهم

    يمكن وصلت المعلومة

    مشكور ياخوي عالمرور وعمشاركتك…بس بغيت اخبر الاخوان اني بغير ضمانه للفطيم…والإكسسوارات وكالة مب تجاريه..وثاني شي احلى من إلي عند الفطيم وبهوان..يعني القبضات والكتبة ورا كروم بس الشبك إلي جدام ذهبي يعني عنقاش…الشعودي كله نيكل كروم…

Comments are closed.