لا تبخلون بتجاربكم يا اخواني .. شو هي أفضل أنواع الأجهزة الالكترونية ؟

18 thoughts on “لا تبخلون بتجاربكم يا اخواني .. شو هي أفضل أنواع الأجهزة الالكترونية ؟”

1. بالنسبة للتكيييف احسن شي سو التكيييف المركزي بدال صدعة الراس كل يوم المكيف يخر ماي

   التكيييف المركزي احسن واذا تبا بسال الوالد لانه يعرف واحد ونحنى مسوين عنده اذا تبا تكيييف مركزي خبرني وبيب لك رقم الريال

   اما اذا تبا اسبليت حط متسوبيشي او هيتاشي وسوبرا اذا حط مطابخ لانه وايييد يتحمل السوبرا لكن الهيتاشي اشوفه اهدى في دفع الهوا

   واذا حق مطابخ حط السوبرا وايييد اوكيه للمطابخ

   والغسالات التماتيك خذ سوبرا

   اذا بغيت طباخة خذ طباخة سايمنس واذا تبا شي رخيص خذ اليكتا

   اذا بغيت تلفزيونات خذ سامسونج او فلبس

   الفلبس اوكيه لكن رموتاتهم ما تعيبني والسامسونق اوكي ورموتاتهم اوكيه بعد

   بس ابعد عن السوني ال سي دي لان عندنا اثنين وساعات يشفرون

   بس نصيحة نصيحة نصيحة ركب تكيييف مركزي حق كل البيت

   الوالد سوا البيت تكييف مركزس الا المطابخ وخمس غرف وحدة في الفلة والباجي في الملحق

   والله متلعوزين مع السبلت

   اول سنيتن يكون المكيف تمام عقب مشاكله قد شعر راسك

   اما الثلاجات خذ ال جي او سوبرا احسن شي مافيهم مشاكل ولا شي لكن اذا تبا فريزر عود حق اللحوم شي ماركة اوشن ايطالية وايييد اوكيه

   والسموحة وهذا عن تجربة اما غسالة الصحون ما ادري بس ماركة ال جي في الادوات المنزلية اوكيه

   والرسيفرات اذا بغيت اتركب خذ رسيفر هيومكس من عند الوكيل جيمته 200 درهم بس وايييد اوكيه الهيومكس

   وعن يقصون عليك ويقولون لك المحلات الرسيفر ب 300 او شي جي او يعطونك موديل قديم

   واي استفسار انا حاضر

2. سلام عليكم ورحمة الله وبركاته

   بالنسبة للمكيفات الاسبلت مثل ما قالو الاخوان الجنرال هو الافضل اما عن اجهزة المنزلية خذ امريكي وفك عمرك
   اجهزتنا كلها من wite westing house صيانه ممتازة +لا تعقيد في استخدام + تعمر يعني استوالنا عشر سنين او اكثر ما شاء الله الفرن والثلاجة شغالين اوكي ..
   و مبروك على البيت اليديد
   عقبالنا ..

3. سلام عليكم ورحمة الله وبركاته

   اخواني انا حالياً أجهز بيتي وصراحة محتار وايد في الالكترونيات وابى نصايحكم يزاكم الله خير

   أفضل نوع من المكيفات ( اسبلت ) ؟
   وشو رايكم الميتسوبيشي الكتريك والا ميتسوبيشي دايا والا جنرال ؟

   اوجنرال بدون منازع لانه حوالي الوحيد اللي ينزل كمبريسر و ليس لوتري

   أفضل نوع من الثلاجات الالمنيوم ؟
   شو رايكم هيتاشي والا ال جي والا سانيو ؟

   الثلاث انواع ممتازات شوف انت شو تبغي من الحجم و اللون

   أفضل نوع من الغسالات الاوتوماتيك + تنشيف كامل ؟
   شو رايكم ال جي والا اندست ؟

   ال جي بدون نقاش

   أفضل نوع من غسالات الصحون ؟
   شو رايكم ال جي والا اندست ؟

   ماعرف

   أفضل نوع من الأفران ( البلت إن ) ؟ ورايكم بفرن ماركة اندست ؟

   اندست ممتاز

   بس بعد مر على Better Life في شارع الاتحاد في الجهه المقابله لكلداري

   عندهم SIEMENS و TERIM شركتين ممتازات و جوده ما يعلى عليها

   

   اذا حد تعامل مع محل في الشارجة او دبي والتعامل معه ممتاز ؟

   وكيل او جنرال ( ايلابكو ) شارع القرهود قرب شيليز ( للمكيفات ) خدمه ممتازه ما بعد البيع و الصيانه

   جمعة الماجد ( غسالات / نشافات / ثلاجات ) خدمه ممتازه ما بعد البيع و الصيانه

   Better Life ( افران )

   يزاكم الله خير لا تبخلون علينا بنصايحكم وان شاء الله الجميع بيستفيد

   وانا بانتظار مشاركاتكم

   يزاكم الله خير
   والله يوفق الجميع يا رب

   عندك باقي التلفزيونات

   sony او LG

   ماكرويف
   باناسونك

   حاول انك تتعامل مع الوكالات لان دايما اللي يبيعونه يكون استوك جديد و ما يسولك افلام في التوصيل و التركيب

   لا تستخسر درهم واحد في بيتك
   

4. افضل الميتسو بيشي – او جنرال ولو ان الميتسوبيشي احسن من ناحية الصوت ام التبريد مايحتاج افضل لك ال 2 طن

   يزاكم الله خير اخواني على ردودكم ما قصرتوا

   وعن الميزانية انا ما عندي مشكلة بس المشكلة ان هاي الماركات العالمية وايده وكل حد يمدح بضاعته ويذم بضاعة غيره هذا اللي يحير الواحد

   ع العموم
   نحن بانتظار مشاركات وتجارب باقي الاخوان والاخوات في المنتدى
   وان شاء الله الفايده تعم الجميع

   يزاكم الله خير

5. افضل الميتسو بيشي – او جنرال ولو ان الميتسوبيشي احسن من ناحية الصوت ام التبريد مايحتاج افضل لك ال 2 طن

Comments are closed.