لا تبخلون بتجاربكم يا اخواني .. شو هي أفضل أنواع الأجهزة الالكترونية ؟

18 thoughts on “لا تبخلون بتجاربكم يا اخواني .. شو هي أفضل أنواع الأجهزة الالكترونية ؟”

1. السلام عليكم
   بلنسبه للمكيفات الميتسوبيشي احسن شي بس لازم يكون الكبريسور من نوع البستن وليس روتري
   في التبريد وضغط الهواء كمبريسر البستن افضل من الروتري
   روح عند اي محل لتصليح المكيفات وبيخبرك
   وبتوفيق

2. الله يسلمك يا اخوي

   صدقك الاسبليت يادي بالغرض لكن بيخرب لك الجدار يوم يخر ماي

3. بالنسبة للتكيييف احسن شي سو التكيييف المركزي بدال صدعة الراس كل يوم المكيف يخر ماي

   التكيييف المركزي احسن واذا تبا بسال الوالد لانه يعرف واحد ونحنى مسوين عنده اذا تبا تكيييف مركزي خبرني وبيب لك رقم الريال

   اما اذا تبا اسبليت حط متسوبيشي او هيتاشي وسوبرا اذا حط مطابخ لانه وايييد يتحمل السوبرا لكن الهيتاشي اشوفه اهدى في دفع الهوا

   واذا حق مطابخ حط السوبرا وايييد اوكيه للمطابخ

   والغسالات التماتيك خذ سوبرا

   اذا بغيت طباخة خذ طباخة سايمنس واذا تبا شي رخيص خذ اليكتا

   اذا بغيت تلفزيونات خذ سامسونج او فلبس

   الفلبس اوكيه لكن رموتاتهم ما تعيبني والسامسونق اوكي ورموتاتهم اوكيه بعد

   بس ابعد عن السوني ال سي دي لان عندنا اثنين وساعات يشفرون

   بس نصيحة نصيحة نصيحة ركب تكيييف مركزي حق كل البيت

   الوالد سوا البيت تكييف مركزس الا المطابخ وخمس غرف وحدة في الفلة والباجي في الملحق

   والله متلعوزين مع السبلت

   اول سنيتن يكون المكيف تمام عقب مشاكله قد شعر راسك

   اما الثلاجات خذ ال جي او سوبرا احسن شي مافيهم مشاكل ولا شي لكن اذا تبا فريزر عود حق اللحوم شي ماركة اوشن ايطالية وايييد اوكيه

   والسموحة وهذا عن تجربة اما غسالة الصحون ما ادري بس ماركة ال جي في الادوات المنزلية اوكيه

   والرسيفرات اذا بغيت اتركب خذ رسيفر هيومكس من عند الوكيل جيمته 200 درهم بس وايييد اوكيه الهيومكس

   وعن يقصون عليك ويقولون لك المحلات الرسيفر ب 300 او شي جي او يعطونك موديل قديم

   واي استفسار انا حاضر

   يزاك الله خير اخوي ما قصرت ابدا
   هو اكيد ان التكييف المركزي ارقى واريح بس تبى الصراحة شكلي باخذ الاسبلت وصدقني تراه يأدي الغرض
   اما عن الامور الثانية يزاك الله خير نفعتني وايد وان شاء الله بشوف هالماركات وبسأل عنها لأن بصراحه السوبرا ما سمعت عنها وايد

   بانتظار مشاركات باقي الاخوان وان شاء الله الجميع يستفيد من الامور اممممممم لأني بصراحه احس كل واحد بيأثث بيته يحتار بهالسوالف

   ولا تنسون اخواني تخبرونا رايكم بماركة AEG الالمانية ؟؟

   يزاكم الله خير

4. سلام عليكم ورحمة الله وبركاته

   بالنسبة للمكيفات الاسبلت مثل ما قالو الاخوان الجنرال هو الافضل اما عن اجهزة المنزلية خذ امريكي وفك عمرك
   اجهزتنا كلها من wite westing house صيانه ممتازة +لا تعقيد في استخدام + تعمر يعني استوالنا عشر سنين او اكثر ما شاء الله الفرن والثلاجة شغالين اوكي ..
   و مبروك على البيت اليديد

   عقبالنا ..

   يزاج الله خير اختي
   بس عن هالماركة ( وايت وستنق هاوس ) نحن عندنا مكيفات منها وهي زينه بس من كثر ما يمدحون الميتسوبيشي والجنرال خاطري اجرب شي منهم اما صراحة عن الثلاجة والفرن مع اني مريت على وكيلهم في دبي وهي شركة بن عويضه في القصيص بس ما ادري ليش مول ما ركزت ع الاشيا الثانية غير المكيفات
   يبالي أمر عليهم مره ثانيه واشوف الاشيا الثانية ” خاصه ان هالمحل عندي خصم حلو فيه “

5. عندك باقي التلفزيونات

   sony او LG

   ماكرويف
   باناسونك

   حاول انك تتعامل مع الوكالات لان دايما اللي يبيعونه يكون استوك جديد و ما يسولك افلام في التوصيل و التركيب

   لا تستخسر درهم واحد في بيتك

   يزاك الله خير اخوي على نصيحتك ابداُ ما قصرت
   صراحة قمت اميل لمكيفات جنرال عشان الكمبريسر ماله اكبر من الميتسوبيشي وان المتيسوبيشي اييك بـ لوتري وبعد في مكيفات ثانيه اسمها ( وايت ويستنق هاوس ) وهاي الكمبريسر مالها امريكي وبعد يمدحونها ونحن مجربينها في البيت
   وان شاء الله بمر ع المحلات لي ذكرتها
   بس عن التلفزيونات صراحه ناوي اخذ سامسونج من صناعية الشارجه من هاي اللي ييبونها من اوروبا ، بس ما ادري هل فيها عيب ؟ واذا حد مجربنها يخبرنا رايه فيها ؟

   بس شورايكم في ماركة AEG الالمانية وتييك بس صناعة المانية وهي اسعارها غاليه لو بتقارنها بأسعار الماركات الآسيوية حصلتها في محل اسمه يونفيرسال عند شيليز اللي ف القرهود وعند ايلابكو وكيل الجنرال وصراحة يوم رمست المندوب مالهم اقتنعت بكلامه وانها تستاهل سعرها خاصه انها ماركة ألمانية

   شو رايكم فيها ؟
   بس المشكلة ما سمعت ان حد مجربنها واشوف ان اكثر الناس يستخدمون الماركات الاسيوية

Comments are closed.