لا من دو ولا من اتصالات .. دو الى اين ؟؟

دو تستعين خطواتها الحاليه من نظيرتها اتصالات

الموضوع ابد ما ينسكت عنه نبا مسؤلين كبار يتحركون لين متى بيتمون ينهبون مخابينا واحنا ساكتين

انا اعترف اني اتكلم وااايد وفواتيري اتصك بس ادفعهم بس في اللحظه الاخيره انصدمت

دو على خطى اتصالات

من فتره قريبه كان اخر خميس في جايتكس سرت وشديت الظهر وخذت من دو جهازين اي فون 4 وطلبت وياهم ارقام البرونز قيمتهم 200 درهم شهريا بالخدمه

اول موقف استوالي ان ما شغلولي الخدمه اسبوع كامل مااعرف احنا في اي دوله ناميه عشان ما تشتغل خلال 24 ساعه او حتى 3 ايام سكتنا بلعنا الريج واتحملنا بعد منازعات جني ماخذه التيلفون ببلاش ومذله اشتغل التيلفون بعد اسبوع وبضرابه

والاخبر الاقوى التيلفونات شغلتهم يوم الاربعاء والاحد واحد من التيلفون مقطوع ويوم راجعيتهم 155 اسوء نظام خدمه عملاء في العالم والمعروف والمشهور بكلمه تمام وتمام

المهم قالو لي ان المنطقه فيها الارسال ضعيف قلت اوكي سرت الشارجه واتصلت مره ثانيه وتمام وتمام المنطقه فيها استعاده بيانات قلنا تمام

وسرت عجمان وانا في الجامعه وصلت حدي قمت واتصلت واكتشفت من موظف تمام اقصد دو

يقولي فاتورتج متحوله الى مسبقه الدفع لان عليج فاتوره قيمتها 2300 درهم قتله ليش قالي والله سيري اي فرع وراجعي (( اموت واعرف احنا وين يالسين ))

سرت الفرع واكتشفت انهم مب مفعليلي الخدمه في الجهاز وبعد نقاش طويل الموظفه قالتلي ليش استخدمتي التيلفون ,, في خاطري اقول ليش ان شالله انا ما خذتنه زين في الحجره

وبعد نقاش قصير قالت دفع المبلغ قتلى ولا فلس حمر لو كنت اجنبيه جان ما رديتي عليه بها الرد بس مواطنه ,, لكن انا غير اجلب من الجلاب وبراويكم شو بسوي

اخر الكلام لشرح المشكله واريد الحكم

انا خذت جهازين اي فون 4 وطلبت عليهم الخدمه وبغض النظر عن سوء التعامل ,, الجهازين في نفس الفاتوره ونفس المكان ونفس الوقت جهاز شغلو عليه الخدمه وجهاز نسو يشغلون الخدمه عليه

بالله عليكم شو اسوي ويااهم