الاخوان الاعزاء
دخلنا شهر مارس و ماحد يعرف شو مصير شركتي املاك و تمويل و هذي المشكلة مب اول مشكلة تصير نفس الشي اتكرر مع عدة شركات و نفس الحالة بيوقفون الشركات عن التداول و يذلون المستثمرين و اخر شي مافي تعديل او تغيير بس تحفظ الحالة و الخسران دائما المستثمر الفقير …………….
ليش ما يكون في افصاح عن مثل هذي الامور ليش تاخذ كل هذا الوقت من المختصيين و اذا كانوا يعرفون انها راح تاخذ وقت ليش ما ينبهون من البداية ان في مثل هذي الحالة الفترة الزمنية راح اتكون طويلة …………. بيون في اخر الفترة و يقولون نريد فترة زيادة و زيادة واخر شيء ما عرفنا او ماقدرنا
مع احترامي للجميع
شباب يمكن هذه في صالحكم التوقيف والله لو خلو السهمين يتداولن بينزلن نزول فضيع ويمكن يعلن الافلاس هل الشركتين تدخل الحكومة في نظري ممتاز وجيد ومن صالح المساهمين حسب المعطيات السابقة
الحكومة ترى في هذه الشركتين انهن صمام التمويل في الدولة والشركتين لها قاعدة كبيرة من المقترضين والمساهمين في نفس الوقت اي ضرب لهذه الشركتين هو زعزعة الثقة في قطاع التمويل في الدولة ولهذه السبب تدخلت الحكومة
دخول الشركتين في كيانواحد وتحت مضلة الحكومة سوف يكون جيد وممتاز لاكن ما هو تقيم الحكومة للأصول والتي سوف تنعكس طردياً على سعر تسعير السهم
هنا السؤال الذي يحتاج الى اجابة
ارباب
السلام عليكم
انا عندي 103,070 الف املاك
على سعر 4.99
الله المستعان
معاكم
عندي 100الف تمويل على 3.77
أخــوى السبب واضح في رد الوزير..انا كتبت نفس الكلام بس يمكن كنت عاطفي اكثر لاني خسران فوق المليون و الحين ما اضيع وقتي و المليون اختفى في الهواء و انطردت بسبب الموضوع.
و تاكد الحكومة اتدور مصلحتنا و ما بيشطبون الشركتين. ان شاءالله.
اتمنى عرفت الحينه ليش ما تقدر ترفع قضية؟
تقبل تحياتي
اخوي وين المطالب…ماشي الا كلام ف المنتدى….صدقوني يا اخوان الحكومه مب عاجزه ترد المظالم لاصحابها او انها تطمنا بوعود رسميه دسمه عقب ها الصبر…ع الاقل يعدلون سعر السهم ويخلونه فوق الثلاث دراهم ع اقل تقدير ويتركونه ل اللمت اب فتره دون النزول
بس لو حد يوصل اصوات اصحاب الاسهم واللي هم بالعشرات بل المئات لادارة الشركتين والسوق
ترا هالكلام مب مستحيل وهو اقل تعويض لنا