لجيل السبعينات .. ذكريات الموبيلات و الاتصالات في الامارات
مرحبا والله .. طبعا مواليد السبعينات و وبداية الثامنينات بيذكرون هاي السوالف الروعه من ذكريات الطفولة..مراحل الحياة بداية التسعينات.و عن الاتصالات
طبعا بدت الاتصالات المتحركة بهاتف من نوع ناشونال و كنا نسمية القديم .وزنة ثقيل جدا و. يتكون من 5 ارقام و طبعا كانت الموضه انه الواحد يكون رقم سيارته على رقم موبيلة 
بعدين نزل البيجر و حد سماه بليب مادري شو سبب التسمية هاي بليب ؟؟ كان حجمة عود قد علبة السجاير ..
كان اللي عندة بليب مشهور جدا في المدرسة ومحد يقدر يرمسة و كلنا نبا نتعرف عليه
بعد القديم .. نزل الجوال اصغر شوي من القديم و طبعا على شكل شنطة
نزل الانيس ,اول موبيل ينحمل في اليد, وحجمة 4 مرات حجم الموبيلات الحالية .. و كان ب 12 الف درهم و المستعمل ما بين 7 و 9 آلاف … درهم و بطاريته بسرعه تفضي ولا فيه مس كول ولا ريسيفد كول ولا حتى يطلع رقم المتصل … شو هالارف )
لا وكان يوصل بعد واسطة خلال شهرين
بدأ عصر الموبيلات الصغيرونة .. لما نزل موبيل اسمة طناف و عندي للحين : مخلنة ذكرى من سنة 1992 و كان سعرة 3400 درهم من الاتصالات وكان فيه مس كول و كل شي و كان يطلع رقم الشخص المتصل .. و الناس مستغربين شو السالفة ,,,من هذا اليوم بدأت الاتصالات بو رنة ….. وبدوا قوم بورنة ينشطون …
عقب نزل موبيل اسمة القناص ,,
و عقب موبيل اسمة السواح كان بداية الجي اس ام …
كانت فواتيرنا 150 درهم و ان كثرت 180 مب الحين
واول ما ظهرت خدمة المسجات تذكرون .. نطرش من العبط حق ربعنا اي شي ,,, و نطرش على موبيلاتنا ,,, من مصدقين ,,,
تدرون ايام قبل كان الي عنده بطاقة مدفوعه يعتبر فضيحه ,, و ياهل كنا نتظنز علية …
مادري شو السالفة تذكرت هالمواضيع … الغبار .. خبرونا طالت عماركم عن ذكرياتكم ومواقفكم عن الاتصالات …. زمان أول تذكرونها
قد الكف ويوم نزل واحد اصقر استوليت علي القديم
واستوليت علي الانيس بس الصراحه بعد المكالمه لازم تحط ثلجه علي اذنيك من الحراره وحركة انك تشفر الخط وحركة فتح الجهاز عشان تتجسس علي الناس وتسمع المكلامات والمواعد ايام حلوه
اذكر كنت في ام اسقيم عند واحد من الاهل فلاسي الحين في الشرطه سمعناء واحد يواعد وحده عند اسبنس الجديم وطر بل روكي عشان نلحق عليهم يلسناء ساعه نتريه ماعرفناهم امنو وانا فاتح الجهاز اترياء ممكن يتصل عليها بس مافي شي حرق يوف مثل ميقوالون
واحلا شي يوم تبرمج Nec علي الانيس لا وبعد يطلعلك الارقام المتصله ووزنه خفيف لا ويوم تتمشاء في الغرير حق التقردين البنت اتشوفك اذا عندك تلفون وبليب هذا راهي هي الي تبدا بل الابتسامه
خاصه عند الصواب الغربي من المركز عند اجمل والسكه الي فيها محلات الخام وايام اغاني ميحد حمد وبروغه ايام حلوه ياريت ترد احسن من الحين
الزحمه الغش في كل شي ايام الشيخ راشد بن مكتوم وايام الشيخ خليفه بن سعيد المكتوم الله ييرحمهم يويغفرلهم
ايام بطايق الاتصلات الي تتخرم كل متتصل اقل شي كانت الصوار عليها تعرف السايح علي الامارات
والمناسبات من الحين 25 او 40 اخضر او احمر
وسلامتكم مزرنا الموضوع اغبار
مرحبا براعي الفطاير ماشاء الله عليك قايم تسترجع الذكريات الحلوة
انا اول وسيلة اتصال كان البليب واسمة كان طارش
وعقب قمت ايمع بيزة ورا بيزة لين خذتلي قناص وايد كان عايبني
اشتريتة ب 4500 درهم وبعتة ب 1500 درهم
لكن اتعس تلفون نزل في التاريخ هو ( المياس ) كانوا يسمونة اسم لي ذاكرنة اكيد بيعرفة
مشكور اخوي على الموضوع وتسلم
اظن كان شي تلفونات تتركب في الموتر؟؟
و أحيد قبل حتى تلفون البيت ما فيه كاشف
لكن كنا نسوي حركة حلوة يوم حد يلعوزنا و نبا نشوف الرقم
نحوّل تلفون البيت على البليب هههههههه يطلع الرقم
و قبل اللي يبا يدق للخارج لازم يدق حق سنترال اتصالات
السيد الهاشمي .شخبارك. هيه والله اللي عنده موبيل و بيجر تقول عندة لمبرغيني..و رنة القناص عجيبة اكيد
انا تميت اجحت الطناف لين ما خذت جي اس ام الحياه صعبة قبل ما عدنا فلوس كل مره نغير موبيل
ذكرتنا بالذي مضى يا ولد الفلاسي ….. بس شو رايك برنة القناص ………. تنسمع من كيلو
بعد شو تبى ………………..ّ!@#!%!@
انا عن نفسي احلى تلفون اشتريته هو هدهد 1
ايام اول التلفون كانت كشخه ماسك بأيدك القناص وحاط البليب في المخبا شكلك شخصية يوم تحدر مكان بس الحينه راعي البقالة محصل عنده n95
تحياتي لك