لجيل السبعينات .. ذكريات الموبيلات و الاتصالات في الامارات
مرحبا والله .. طبعا مواليد السبعينات و وبداية الثامنينات بيذكرون هاي السوالف الروعه من ذكريات الطفولة..مراحل الحياة بداية التسعينات.و عن الاتصالات
طبعا بدت الاتصالات المتحركة بهاتف من نوع ناشونال و كنا نسمية القديم .وزنة ثقيل جدا و. يتكون من 5 ارقام و طبعا كانت الموضه انه الواحد يكون رقم سيارته على رقم موبيلة 
بعدين نزل البيجر و حد سماه بليب مادري شو سبب التسمية هاي بليب ؟؟ كان حجمة عود قد علبة السجاير ..
كان اللي عندة بليب مشهور جدا في المدرسة ومحد يقدر يرمسة و كلنا نبا نتعرف عليه
بعد القديم .. نزل الجوال اصغر شوي من القديم و طبعا على شكل شنطة
نزل الانيس ,اول موبيل ينحمل في اليد, وحجمة 4 مرات حجم الموبيلات الحالية .. و كان ب 12 الف درهم و المستعمل ما بين 7 و 9 آلاف … درهم و بطاريته بسرعه تفضي ولا فيه مس كول ولا ريسيفد كول ولا حتى يطلع رقم المتصل … شو هالارف )
لا وكان يوصل بعد واسطة خلال شهرين
بدأ عصر الموبيلات الصغيرونة .. لما نزل موبيل اسمة طناف و عندي للحين : مخلنة ذكرى من سنة 1992 و كان سعرة 3400 درهم من الاتصالات وكان فيه مس كول و كل شي و كان يطلع رقم الشخص المتصل .. و الناس مستغربين شو السالفة ,,,من هذا اليوم بدأت الاتصالات بو رنة ….. وبدوا قوم بورنة ينشطون …
عقب نزل موبيل اسمة القناص ,,
و عقب موبيل اسمة السواح كان بداية الجي اس ام …
كانت فواتيرنا 150 درهم و ان كثرت 180 مب الحين
واول ما ظهرت خدمة المسجات تذكرون .. نطرش من العبط حق ربعنا اي شي ,,, و نطرش على موبيلاتنا ,,, من مصدقين ,,,
تدرون ايام قبل كان الي عنده بطاقة مدفوعه يعتبر فضيحه ,, و ياهل كنا نتظنز علية …
مادري شو السالفة تذكرت هالمواضيع … الغبار .. خبرونا طالت عماركم عن ذكرياتكم ومواقفكم عن الاتصالات …. زمان أول تذكرونها
والله زمان قل للزمان ارجع يا زمان
والله موضوع شيق
اذكر ايام ما كنا نزعج شخص ويقوم يحول التليفون على البليب واصيدنا
ما كان في شرطه ولا تحقيق يروح حق الوالد والوالد يبرد قلبه فينا
كان الكف ببيززه
خخخخخخخخخخ
معروف اسمه طال عمرك
احيد الوالد الله يرحمه استعمل بوشنطة .. واستعمل الانيس ..
اخويه كان عنده طناف وبليب كخخخخخخ
انا اول بنت في الشعبية بعطونها موبايل .. عطوني جفّير .. والوالدة هدهد ..
عاد انا عطوني الموبايل سنة 96 ,, واستوى انقلاب في العالم بسبب ان البنت يعطونها موبايل ..
الله يخلف تعالوا شوفو البنات الحين بأربع وخمس موبايلات
ماحد عنده صور
دايما مرتبطة بتاريخ
الامارات الجميلاشكرك اخويه ..لاهنت