لجيل السبعينات .. ذكريات الموبيلات و الاتصالات في الامارات
مرحبا والله .. طبعا مواليد السبعينات و وبداية الثامنينات بيذكرون هاي السوالف الروعه من ذكريات الطفولة..مراحل الحياة بداية التسعينات.و عن الاتصالات
طبعا بدت الاتصالات المتحركة بهاتف من نوع ناشونال و كنا نسمية القديم .وزنة ثقيل جدا و. يتكون من 5 ارقام و طبعا كانت الموضه انه الواحد يكون رقم سيارته على رقم موبيلة 
بعدين نزل البيجر و حد سماه بليب مادري شو سبب التسمية هاي بليب ؟؟ كان حجمة عود قد علبة السجاير ..
كان اللي عندة بليب مشهور جدا في المدرسة ومحد يقدر يرمسة و كلنا نبا نتعرف عليه
بعد القديم .. نزل الجوال اصغر شوي من القديم و طبعا على شكل شنطة
نزل الانيس ,اول موبيل ينحمل في اليد, وحجمة 4 مرات حجم الموبيلات الحالية .. و كان ب 12 الف درهم و المستعمل ما بين 7 و 9 آلاف … درهم و بطاريته بسرعه تفضي ولا فيه مس كول ولا ريسيفد كول ولا حتى يطلع رقم المتصل … شو هالارف )
لا وكان يوصل بعد واسطة خلال شهرين
بدأ عصر الموبيلات الصغيرونة .. لما نزل موبيل اسمة طناف و عندي للحين : مخلنة ذكرى من سنة 1992 و كان سعرة 3400 درهم من الاتصالات وكان فيه مس كول و كل شي و كان يطلع رقم الشخص المتصل .. و الناس مستغربين شو السالفة ,,,من هذا اليوم بدأت الاتصالات بو رنة ….. وبدوا قوم بورنة ينشطون …
عقب نزل موبيل اسمة القناص ,,
و عقب موبيل اسمة السواح كان بداية الجي اس ام …
كانت فواتيرنا 150 درهم و ان كثرت 180 مب الحين
واول ما ظهرت خدمة المسجات تذكرون .. نطرش من العبط حق ربعنا اي شي ,,, و نطرش على موبيلاتنا ,,, من مصدقين ,,,
تدرون ايام قبل كان الي عنده بطاقة مدفوعه يعتبر فضيحه ,, و ياهل كنا نتظنز علية …
مادري شو السالفة تذكرت هالمواضيع … الغبار .. خبرونا طالت عماركم عن ذكرياتكم ومواقفكم عن الاتصالات …. زمان أول تذكرونها
شو ها فضحتينا خخخخخخخخ
بس ما قلتي سالفة الهندي اللي على سيكل عدال الشارع يسوق سيكله..يوم وصلنا عنده نصارخ في المكرفون ايه رفيييييييييييييق
جان يطيح على ينبه من الزيغه فقير لوووول
الله يسامحنا كنا يهال شدارنا لووووووووووووووووول
مشكور اخوي على الموضوع وتسلم
احم احم ……..عيل نحن كنا نستعمل الهوكي توكي …..
عقب نزلو ها التلفونات ……..
لا بعد ايقولكم عم دبي بيبي حاط مكرفون في سيارته عشان يوم ايرن التلفون……اونه خقاق
الموهيم ايقولكم الدريول كان يبا ايب دبي بيبي واخوانها من المدرسه يوم كانو يهال جان يكتشف انه السياره خربانه خذ سياره عمها
عقب مايابو دبي بيبي واخوانها من المدرسه ايقولكم ماطين مكرفون اموبايل ويغنون عيشي بلادي ……جان ايزخونهم الشرطه ويقولون حق الدريول لاتخلي اليهال ايسون جيه
اووووووووووبيه انا بشرد قبل ماتي دبي بيبي …….خههخهخهخهخ
أشكرك ولد الفلاسى على ها الموضوع
ذكرتنى بوايد أشياء
كان عندى أنيس دايما يطيح وأريله ينكسر وأسير أصلحه فى سكاى فون
وأيام التيلفون بوشنطة كانو يحطون سماعة فى بونيت السيارة ويوم يرن يصحى الفريج
أتذكر طول عندى القناص لأنه كان عملى
لو حد قالنا هذيك الأيام أنك بتقدر تتصل ويتصلوبك فى أى مكان فى العالم على موبايلك ما
بنصدقه …… هاك الوقت كانو الشباب عادى يصطفون طابور على كابينة التيلفون يتريون دورهم
وأن تورطت ورا مغازلجى رحت فيها
عموما الله يوسع صدرك بالعافية وزيدنا من ها المواضيع
مشكورين وايد استانست يوم عيبكم الموضوع . تذكرون يوم نزخ رقم واحد على البليب .. اوه خلاص الدليل موجود وراح فيها الاخ … ايام حلوة .. ليتها ترجع .. و خبرونا زيادة ذكرياتكم …