لدى مليون وثلاثمائه

42 thoughts on “لدى مليون وثلاثمائه”

1. اذا ما عندك خبره او دراية في مجال معين أنصحك في العقار .. ومجال العقارات واسع في الامارات ويستوعب رؤس الاموال الكبيرة والصغيرة .. وبعطيك أمثله للمبلغ الي عندك :
   في شركة أسمها باز الخليج للعقارات شفت عندهم عروض حلوة وشبه مضمونه . تعطيهم اي راس مال ويعطونك حصص او اسهم في عقارات معينه على مستوى الخليج ، وكل منتجاتهم متوافقه مع الشريعه الاسلامية مثلا شي فندق في دبي وعندهم دراسة تتوقع الدخل السنوي من 20 الى 25 في المئة سنوي . وشي في البحرين بس اقل وشي بمكة 16 في المئة .
   يعني بالدخل بالسنة 200 الف على أقل تقدير .
   او ممكن تشتري ثلاث او اربع شقق في عجمان .. وتبيعهم بعد كمن سنة وتدخل الضعف او تأجرهم وتحصل دخل ثابت .
   عقارات دبي وايد غالية وفايدتها اقل من ناحية التأجير .
   وفي مكتب في عجمان قالي اذا عندك مليون بيشتري فيها ارض وبيبيع نصها وبيبني بالنص وخلال فترة سبع شهور بحصل فايده 300 الف .. بس الفكرة احسها مب مضمونه .. مع انه كل شي بإسمي ..

   نصيحة لا تخلي حد يستثمر فلوسك بشي انت ما تعرفه .. والله يوفقك ويرزقك بالحلال

2. السلام عليكم ..

   احسن شيء العقار و التريلات…
   لان العقار مثل ماقال صاحبي رفيع المستوى مافيه ويعت راس ولا خساره .
   والتريلات حلوه اذا كان كل شيء على الشركه يعني سادين كل شيء من ناحية السائق و الخراب و محتوياتها الشهريه .

   وانا راي : انك تاخذ شقه وحده وتريله وحده وعيش حياتك باذن الله تعالى .

   وبالتوفيق انشالله

3. نصيحتي لك
   خل بيزاتك وديعه في البنك وفك عمرك من الصدعه
   واصرفهم لين ماتفلس
   شو تبا بالتجاره وعوار الراس

4. وش هي الضمانات

   بيضه الله وجهك

   انت اطلب الضمانات الي تباهاا

   للعلم

   كلشي فيه ربح وخساره الا العقار

   فكر وشاور الناس وشاور ربعك واذا عيبك عرضي رقمي موجود

   واذا ما عيبك العرض

   اتمنى انك ما اتعق افلوسك فشي تعور به راسك اجار رواتب كهربا ماي اخترب صلح سير تعال

   ولا تعرف اتعوضهن ولا تخسرهن

   عليك بلعقار وبس

   اسأل مجرب انا دشيت فكلشي

   مافيه شي احسن ع العقار

   والسموحه

   ربي ايحفظك

5. تعالي نتاجر أنا وأنت ونجتهد

   والرزق على الله

   إذا كنت جاد إتصل بي على الخاص

Comments are closed.