لشباب التزويد+بني نيسان…

9 thoughts on “لشباب التزويد+بني نيسان…”

1. لو شو ما تحط في بطنه ما بيمشي ال 4500 يعني فلوسك بتروح عنك ع الفاضي
   اللي بياخذ هالمكينة تكون غالبا للعزب

   بدال لا تحط هالمخاسير في هالمكينة خذ لك 4800 وبتعطي مكينة الانجكتر المزودة عواميد في حياته ماشافهن

2. والله الغالي انا عندي نيسان بترول 94 عليه مكينة فتك وقير فتك ادخل الربط

3. ان شاء الله يفيدونك الشباب

   لكن بقولك سالفه بسيطه و بعطيك رايي بصراحه .. كل واحد له هواه وكل واحد يحب سيارة معينه انا وياك فهالشي

   في ناس يعشقون النياسين حتى لو تقوله مرسيدس 2009 ولا نيسان 97 بيقولك ابا النيسان

   لكن لاحظت ان الشباب يعقون مبالغ خياليه على النياسين ويزودون ويسوون بلاوي واخر شي ” مفيش فايدة “

   اذكر من فتره كان عندنا تاهو مال البيت ويتني فتره اداوم فيه .. ربيعي انسان عايش فالصناعيه وعنده كربيتر 93 ورجع باع مكينته وركب 4500 وزوده .. هدرز السويدي وفلتر وحفه بوردنق وبلكات ومادري شو ماخلى شي خسر عليه واااايد فقراجات محترمه بس عشان يمشي عدل

   اخر شي ونحن طالعين من الدوام قالي تعال بجرب وياك .. دست وياه بالتاهو وانا اضحك .. على كبر حجمه وثقله كان يمسك وياي للـ 120 وعقبها ابدا اروح عنه شي بسيييط للـ 180 قبل لا يبند يكون عند الدريشه الاخيرة

   قلتله الحين بعد كل هالتعب هذا مستواك ؟ انا قلت الحين بتلعن خيري هههه

   بعد اسبوع رد باعه وقال ليتني مازودت وتعبت عمري

   الكربيتر اذا بتزوده بتحس فيه فالرمله بس والموسم قرب ما بقى عليه شي وبتستانس عليه

   لكن لو بتزوده للشارع بتخسر فلوسك على الفاضي

   الشباب مابيقصرون وياك ان شاء الله خبره فهالمجال يعطيهم العافيه وبالتوفيق

   وفالنهايه هذا مجرد رأي شخصي لا اكثر ولا اقل

4. تسلم بانتظار الشباب

5. موفق بإذن الله … لك مني أجمل تحية .

Comments are closed.