السلام عليكم ظاهره مستفحله ويجب سن قانون رادع لهؤلاء الحفنه من المستهترين بأرواح الناس ومعظمهم لوث وبدون اخلاق وتوه مطلع ليسن يذبحون الناس في الشوارع .
ياجماعه كيف تتصرف ويا واحد مثل هذا إذا كنت في شارع سريع وعلى يمينك سيارات وانته اقصى اليسار يشوفك يالس تجاوز وتمشي بالسرعه القانونيه ياك مثل الصاروخ ولصق الدعاميه في موترك وعماك من الفلاش بالله عليك ما يفور دمك كيف الحل وياهم ؟
29 thoughts on “لصق البمبر واعميه بالفلاش ! قتلة الطريق !”
Comments are closed.
وايد متهورين و خبايل في هالشوارع
انا سيارتي في الوكاله من كمن شهر متكسره بسبب احد هالمتهورين و كنت كاتبه سالفة الحادث هنيه في المنتدى
ربيعتي نفس حالتي و سيارتها بتخلص عقب شهر
اخت ربيعتي البارحه وصلتني سالفتها دعمها واحد متهور قريب فيستفال ستي انجلبت مرتين و تكسرن رويلاتها وحليلها … ان شاء الله اليوم بمر عليهم
يعني هالحوادث كلها حوالي ان دلت تدل على شوووو
على زيادة عدد المتهورين في هالشوارع و البارحه واحد يضرب ديمات حق اختي..لمدة نص ساعه و المشكله انهم في السيد النصفاني…ياخي خووز سير السريع..و اختي ليس لديها ما تخسره و تضرب له بريك مفاجئ في نص الشارع خلته يظهر برع الشارع ..
هاييل يبالهم من يأدبهم و الشرطه ما عندهم مخالفات لهالنوعيه من التهور
الا انا يوم مره جكوني خافه السرعه عند الرادار عطوني مخالفة طيش و تهور …لكن هالمينن برايهم يجتلون خلق الله في الشوارع
مادري انا شو يالسه اخربط توني ناشه من الرقاد
لووول
والله ياخوي الحال من بعضه الكل يعاني
قبل سنتين كان حادث علي شارع الامارات والسيد واقف وحضي الاسود انه انا اخر موتر وواحد ياي طر يالس يديم وشكله ميشوف الاربع اشاير والون البرتقالي تارس الشارع معرفت شو اسوي ايلس ولا اطلع من الموتر بس ربك ستر الحبيب علي اخر الوقت انتبه وضرب ابريك وشاح الموتر يسار ودعم الحاجز ووصل الشارع الثاني زين انه مشل العمال الي في الشارع او ذبح حد مهان علي اني اودره رحت اشوفه لقيته بخير بس شويت دم من الزجاج المكسر والاسعاف يو من الشارع الثاني ركض المساكين من ويم بيبونها قلتله قبل مروح كم كنت تمشي قالي 140كم قلتله يعي لو دعمتني كانت اقرب قطعه من بتكون وصلت ايران او المريخ
بعد يومين سرتله المستشفي وكانت الطامه الكبره
انه ماراح يقدر يمشي مره ثانيه مب بس هذا وعنده تهشم حاد في العظام الجسم اكثر من كسر وشروخ
والطامه الكبره انه ميقدرون يسفرونه لسبب حالته الصحيه
اول شي امسك اليسار وامشي بسرعة معقولة
يعني 160
هب اتزخ السيد اليسار وتمشي 100
انا عن نفسي افتح الطريق واتم منتبهة للسيارة من بعيد
بس مرات يكون اللي على اليمين مسكر على وقدامي واحد
ماسوي شي بس ازخ بريك قو اخلى عيونة يوصلن لين عندي
الله يهديهم
انا شراتك اعاني من هاي الحركة
مب شرط يكون توة عندة ليسن
انا ابد ما عندي واسير دبي وبوظبي وشمال وساكنة في العين
مقر الدعاس full light
اسمع قلبي يدق قبل ما يوصل قريب منى ويوم يخطفون ينبك السيارة تهتز
شو اقول الله يسلم بس