السلام عليكم ظاهره مستفحله ويجب سن قانون رادع لهؤلاء الحفنه من المستهترين بأرواح الناس ومعظمهم لوث وبدون اخلاق وتوه مطلع ليسن يذبحون الناس في الشوارع .
ياجماعه كيف تتصرف ويا واحد مثل هذا إذا كنت في شارع سريع وعلى يمينك سيارات وانته اقصى اليسار يشوفك يالس تجاوز وتمشي بالسرعه القانونيه ياك مثل الصاروخ ولصق الدعاميه في موترك وعماك من الفلاش بالله عليك ما يفور دمك كيف الحل وياهم ؟

29 thoughts on “لصق البمبر واعميه بالفلاش ! قتلة الطريق !”

  1. والله ياجماعه الخير يوم حد يسويلي بالشارع جيه والله اعانده واتم مكاني ولا غير جيه اخف السرعه واقول يلا راوني شو بتسوي واعلى مابخيلك اركبه

  2. صدقك انا ازيغ من سواقه الحريم خصوصا لو يت ورايه وكانت شاخطتنه ..احس بقشعريره ………نادر ما اتحصل وحده اتسوق مثلي

    المفروض يعطوني جائزة نوبل ………..

    وشهد شاهد من اهلها

    انتي اول عضوه اشوفها تعترف على بنات جنسها وتقول كلمه حق بدون مادافع عنهم دفاع عشوائي ومتعصب..!!!!!!!!

  3. وايد من الرياييل طايشين ولكن 99.9% من الحريم (بالاضافه الى الهنود) ما يعرفن يسوقن ولو عندهن لياسن من 20 سنه
    مجدمه الكرسه ولاصقه في الاستيرنق ولا اطالع يعني بالمختصر تمشي عمياني كانه ما في غيرها في الشارع

    صدقك انا ازيغ من سواقه الحريم خصوصا لو يت ورايه وكانت شاخطتنه ..احس بقشعريره ………نادر ما اتحصل وحده اتسوق مثلي

    المفروض يعطوني جائزة نوبل ………..

  4. وايد متهورين و خبايل في هالشوارع

    انا سيارتي في الوكاله من كمن شهر متكسره بسبب احد هالمتهورين و كنت كاتبه سالفة الحادث هنيه في المنتدى

    ربيعتي نفس حالتي و سيارتها بتخلص عقب شهر

    اخت ربيعتي البارحه وصلتني سالفتها دعمها واحد متهور قريب فيستفال ستي انجلبت مرتين و تكسرن رويلاتها وحليلها … ان شاء الله اليوم بمر عليهم

    يعني هالحوادث كلها حوالي ان دلت تدل على شوووو

    على زيادة عدد المتهورين في هالشوارع و البارحه واحد يضرب ديمات حق اختي..لمدة نص ساعه و المشكله انهم في السيد النصفاني…ياخي خووز سير السريع..و اختي ليس لديها ما تخسره و تضرب له بريك مفاجئ في نص الشارع خلته يظهر برع الشارع ..

    هاييل يبالهم من يأدبهم و الشرطه ما عندهم مخالفات لهالنوعيه من التهور

    الا انا يوم مره جكوني خافه السرعه عند الرادار عطوني مخالفة طيش و تهور …لكن هالمينن برايهم يجتلون خلق الله في الشوارع

    مادري انا شو يالسه اخربط توني ناشه من الرقاد
    لووول

    وايد من الرياييل طايشين ولكن 99.9% من الحريم (بالاضافه الى الهنود) ما يعرفن يسوقن ولو عندهن لياسن من 20 سنه
    مجدمه الكرسه ولاصقه في الاستيرنق ولا اطالع يعني بالمختصر تمشي عمياني كانه ما في غيرها في الشارع

  5. عيل انا بخبركم شو سويت البارحه خير اللهم اجعله خير

    كنت راده من الممزر وامشي في حالي واقول ياحيطه دريني ههههههههه وماخذه السيد اللي في النص

    المويهم

    الا اشوف سياره اديم لي المهم الاشاره حمراء وانا جريب اوصل مادري ها الديم ليش ….وقفنا في الاشاره عقب مالعوزني بكمن ديم وانا موب في الشارع السريع انا في النص في حالي وحليلي

    يوم مشى السيد اتم ايسوي نفس الحركه

    عاد انا عصبت وقلت خلاص بيشوف شي ماشافه في حياته

    ضربت ابريك مفاجاء وعقب شاح هو برع الشارع من الزياغ ……..خليته ايقول ياحيطه دراريني

    شو مقوي المهنده علينا سؤال يطرح نفسه

    انا اللي ما اعصب طلعت من طوري

    بس لو كنت في الشارع السريع يعني اقصى اليسار قانونا لازم تعطي المجال لغيرك بس لو ما كنت في الشارع صوب اليسار في ها الحاله بيكون العجب العجاب اللي يصير في بلادنا

    .

    .

Comments are closed.