السلام عليكم ظاهره مستفحله ويجب سن قانون رادع لهؤلاء الحفنه من المستهترين بأرواح الناس ومعظمهم لوث وبدون اخلاق وتوه مطلع ليسن يذبحون الناس في الشوارع .
ياجماعه كيف تتصرف ويا واحد مثل هذا إذا كنت في شارع سريع وعلى يمينك سيارات وانته اقصى اليسار يشوفك يالس تجاوز وتمشي بالسرعه القانونيه ياك مثل الصاروخ ولصق الدعاميه في موترك وعماك من الفلاش بالله عليك ما يفور دمك كيف الحل وياهم ؟
29 thoughts on “لصق البمبر واعميه بالفلاش ! قتلة الطريق !”
Comments are closed.
والله هالاشكال متروسة في البلاد
انا محد حد يديملي خاصة اذا كنت امشي في سيدي صح
والله اللي يديملي ما اخوز عنه حتى لو شوو ما سوى اخليه يموت قهر
أنا مثلك اسوي نفس الشي … أذكر مرة كنت راد من العين متجه الى دبي وكنت اتجاوز مجموعة من السيايير وفجأة أشوف نيسان بيني وبينه عدة أمتار ويديم والمصيبة مركب زينون .. مافيه صبر .. عاندت فيه وخفيت السرعة وقمت الزم بريكات الحبيب تجاوز من جهة اليمين ولف علي وعلى الفور اتصلت بالعمليات وزخوه عند مستشفى الوصل وسووله قضية محاولة القتل المتعمد وتم حجز سيارته … وقبل لاتتحول القضية النيابه سرت وتنازلت عن القضية بعد تدخل واسطات من طرفه … ماقول غير الله يهديهم …
الله يهديهم..
انا عن نفسي اذا كان حد جدامي واللي وراي يديملي مستحيل اخوز وخاصه اذا كنت اسوق على السرعه المحدده
وخاصه على شارع جميرا من اول برج العرب لين الضيافه امسك السيد اليسار واتريا واحد يديملي بس مستحيل اخوز
هههههههه
ياما سوولي هالحركة, واللي يلصق وراي ما اخوز لين ما يصطلب. اتم مكاني واخف السرعة مرات وان مصخة ازخ بريك مرة وحدة. مثل هالاشكال ما يبالهم غير جي. يحترم نفسه ويبعد مسافة عني ويظرب فل ليت مرة وحده اخوز. ولا يلصق فيني لو تطلع روحه ما اتحرك من مكاني.